Pieršym laŭreatam uznaharody imia Juzafa Jadkoŭskaha staŭ Aleś Hościeŭ. Jon adznačany za važki ŭkład u vyvučeńnie historyi Horadni, papularyzacyju viedaŭ pra jaje minułaje, a taksama za pedahahičnuju dziejnaść pa raźvićci krajaznaŭstva.
Heta zaznačyŭ adzin z zasnavalnikaŭ uznaharody doktar histaryčnych navuk Aleś Smalančuk.
Druhim uznaharodžanym stała historyk Taciana Kasataja.Jana atrymała dyplom premii Jadkoŭskaha za aktyŭnuju pazycyju ŭ abaronie historyka-kulturnaj spadčyny horadu.
Uručeńnie adbyłosia padčas navukovaj kanferencyi «Haradzienski palimpsest», jakaja adbyłasia ŭ pamiaškańni Hieneralnaha konsulstva Polščy ŭ Horadni 3–4 listapada.
Juzaf Jadkoŭski — historyk i archeolah, jaki pracavaŭ u Horadni ŭ mižvajenny čas.Jon napisaŭ knihu pra horad, jaho architekturu, pravodziŭ raskopki na dziadzincy Staroha zamka i zasnavaŭ muzejny zbor, jaki siońnia raźmiaščajecca ŭ dvuch byłych karaleŭskich zamkach. Stvareńnie ŭznaharody jaho imia dla padtrymki daślednikaŭ Horadni — hramadzkaja inicyjatyva, paklikanaja hetaj vosieńniu.
0
0
0
0
0
0