Pryčynaj hrupavoha zachvorvańnia vostraj kišačnaj infiekcyjaj navučencaŭ Łuninieckaha liceja staŭ stafiłakok.Vostrym hastraenterytam z 26 pa 27 kastryčnika 2012 zachvareli 19 navučencaŭ Łuninieckaha liceja. Z prykmietami atručeńnia — skarhami na niastraŭnaść, vysokaj tempieraturaj, vanitami — usie jany byli špitalizavanyja.
Vyniki łabaratornych daśledavańniaŭ vyjavili ŭ dvaich dziaciej patahienny stafiłakok, u inšych — umoŭna patahiennuju kišačnuju pałačku.
Krynicaj infiekcyi staŭ piersanał charčbłoka — nośbity stafiłakoka. Šlach pieradačy charčovy — viniehret, sałaty, zabrudžanyja piersanałam ŭ pracesie ich padrychtoŭki.
Va ŭsich dziaciej zachvorvańnie praciakała ŭ lohkaj formie. Novych vypadkaŭ kišečnaj infiekcyi ŭ inšyja dni ŭ licei bolš nie było. Na praciahu troch dzion ŭsich vučniaŭ, jakija byli špitalizavany, z balnicy vypisali.
Brescki abłvykankam pastanaviŭ unieści prapanovu ŭ Ministerstva achovy zdaroŭja ab pryciahnieńni da dyscyplinarnaj adkaznaści hałoŭnaha dziaržaŭnaha doktara Bresckaj vobłaści, vyzvalić ad zajmajemaj pasady hałoŭnaha dziaržaŭnaha sanitarnaha doktara Łuninieckaha rajona.Vymovy vyniesienyja načalniku ŭpraŭleńnia adukacyi Bresckaha abłvykankama i namieśniku staršyni Łuninieckaha rajvykankama, jaki kuryruje sacyjalnuju śfieru. Akramia taho, prapanavana vyzvalić ad zajmanych pasadaŭ dyrektara liceja i zahadčycu vytvorčaściu školnaha charčavańnia filijała hramadskaha charčavańnia Łuninieckaha rajspažyŭsajuza.
0
0
0
0
0
0