Na premjery filma «U tumanie» u kinateatry «Kastryčnik» nie było svabodnych miescaŭ 3

Na premjery karciny «U tumanie», źniataj pry ŭdziele «Biełaruśfilma», u minskim kinateatry «Kastryčnik» praktyčna nie było svabodnych miescaŭ. Premjera adbyłasia ŭ ramkach Minskaha mižnarodnaha kinafiestyvalu «Listapad-2012», jaki adkryŭsia 2 listapada.

U asnovie karciny «U tumanie» — tvor Vasila Bykava.

Heta mižnarodny kinaprajekt, u vytvorčaści jakoha, aproč «Biełaruśfilma», udzielničali MA.JA.DE Fiction (Hiermanija), kinakampanija «Džy Pi» (Rasija), Rija Films (Łatvija), Lemming Film (Niderłandy), a taksama telekanał ZDF / ARTE (Hiermanija), Fond padtrymki jeŭrapiejskaha kino EURIMAGES. Pravy na suśvietnyja prodažy karciny naležać kampanii Match Factory.

Film «U tumanie» ŭdastojeny prestyžnaha pryza žury Mižnarodnaj fiederacyi kinapresy FIPRESCI na 65-m mižnarodnym kinafiestyvali ŭ Kanach, a taksama mnohich inšych uznaharod.

Na «Listapadzie-2012» karcina ŭvachodzić u prahramu asnoŭnaha konkursu ihravoha kino, što daje joj prava zmahacca za hałoŭnuju ŭznaharodu — Hran-pry forumu. Stužcy vypaŭ honar stać filmam adkryćcia sioletniaha «Listapada», paśla cyrymonii adkryćcia jana była pakazana adrazu na dvuch placoŭkach (u Małoj zale Pałaca Respubliki i ŭ kinateatry «Kastryčnik»).

Paśla doŭhich padarožžaŭ pa mižnarodnych kinafiestyvalach biełaruskim hledačam film narešcie pradstavili hienieralny dyrektar «Biełaruśfilma» Aleh Silvanovič, pradziusar Kirył Krasoŭski, a taksama hukarežysior Uładzimir Hałaŭnicki.

Siarhiej Łaźnica pakul nie zmoh pryjechać u Minsk, kab asabista pradstavić film, adnak pavinien prybyć na vynikovy pakaz, jaki adbudziecca 7 listapada ŭ Domie kino.

Aleh Silvanovič adznačyŭ, što proza Vasila Bykava nabyła mahutnaje režysiorskaje bačańnie u pracy inšaha našaha ziemlaka — Siarhieja Łaźnicy, jaki naradziŭsia ŭ Baranavičach, a ciapier žyvie i pracuje ŭ inšaj krainie. Pa słovach hiendyrektara «Biełaruśfilma», u ahulnaj składanaści isnuje 19 varyjantaŭ ekranizacyi tvoraŭ Bykava i,

miarkujučy pa šmatlikich uznaharodach, jakija za adnosna niadoŭhaje fiestyvalnaje žyćcio zavajavaŭ film «U tumanie», hetaja kinarabota źjaŭlajecca adnoj z samych mocnych.

Kirył Krasoŭski u svaju čarhu pryznaŭsia, što bolš za ŭsio bajaŭsia pryjści na kinapakaz ŭ Minsku i ŭbačyć pusty hladzielnuju zału, adnak usio vyjšła z dakładnaściu da naadvarot.

* * *

Film «U tumanie» — drama pra čałavieka, jaki sprabuje zrabić maralny vybar u amaralnych abstavinach.

Dziejańnie karciny adbyvajecca na terytoryi akupavanaj niemcami Biełarusi ŭ 1942 hodzie. Puciavoha abchodčyka Suščeniu iłžyva abvinavačvajuć u supracoŭnictvie z akupantami. Dva partyzana pryjazdžajuć da Suščeni na chutar, kab ździejśnić raspravu nad zdradnikam. Suščenia spadziajecca dakazać svaju nievinavataść…

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH