Barak Abama abviaściŭ Ńju-Jork zonaj stychijnaha biedstva 1

Prezident ZŠA Barak Abama abviaściŭ štat Ńju-Jork zonaj stychijnaha biedstva i ŭvioŭ tam režym nadzvyčajnaha stanovišča paśla taho, jak urahan «Sendzi» u noč na aŭtorak abrynuŭsia na ŭschodniaje ŭźbiarežža ZŠA.

Škvalny viecier vyklikaŭ pavodku i pryvioŭ da transpartnaha kałapsu i adklučeńnia elektryčnaści ŭ Ńju-Jorku. U vyniku ŭdaru stychii ŭ ZŠA i Kanadzie zahinuli prynamsi 16 čałaviek.

Ahulnaja kolkaść achviar «Sendzi», uklučajučy krainy Karybskaha basiejna, pieravysiła 70 čałaviek.

U Ńju-Jorku adznačana mocnaja pavodka — uzrovień vady ŭ adnym z rajonaŭ horada padniaŭsia amal na čatyry mietry, zatoplenymi apynulisia tuneli haradskoha mietro.

Ułady akruhi Bierhien u štacie Ńju-Džersi pravodziać masavuju evakuacyju žycharoŭ z-za rezkaha pavyšeńnia ŭzroŭniu vady, vyklikanaha, jak miarkujecca, praryvam damby.

Tym časam u Ńju-Jorku, u paciarpiełym ad pavodki rajonie Kvins, pažaram źniščana kala 50 damoŭ. Jak paviedamlajuć ułady horada, tolki tam biez elektryčnaści zastalisia amal 2 młn čałaviek.

0

0

0

0

0

0

Bi-Bi-Si

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH