Za sutki milicyjanierami Leninskaha RAUS Hrodna byŭ raskryty surjozny kradziež — nočču 24 kastryčnika chtości pabyvaŭ u adnym z mahazinaŭ pa vulicy Ažeški ŭ abłasnym centry, adkul vynies mietaličny siejf, u jakim znachodziłasia bolš jak 40 młn. rubloŭ.Pra heta paviedamili ŭ adździele infarmacyi i hramadskich suviaziaŭ UUS Hrodzienskaha abłvykankama.
Va ŭčynieńni złačynstva padazrajecca ŭ minułym šeść razoŭ sudzimy miascovy narkaman.
Pavodle słoŭ načalnika adździeła kryminalnaha vyšuku Leninskaha RAUS Hrodna Vitala Asockaha, złačynca raźbiŭ dźviarnoje škło i pranik u mahazin, adkul ukraŭ mietaličnuju skrynku z hrašovaj vyručkaj. Doma jon jaje adkryŭ, zabraŭ źmieściva, a ad siejfa zahadaŭ pazbavicca siabru. Toj vykinuŭ jaho ŭ Nioman.
Raskryć złačynstva dapamahli kamiery videanazirańnia, jakija zafiksavali, jak padazrony snoŭdaŭsia ŭ mahazinie pierad zakryćciom i ničoha nie kupiŭ.Svaju vinu jon pryznaje. Ukradzienyja hrošy kanfiskavany.
Kryminalnaja sprava raspačata pavodle č. 3 art. 205 KK (kradziež, učynieny ŭ bujnym pamiery).
0
0
0
0
0
0