Biełarusy nie śpiašajucca stavić ličylniki elektraenierhii + kalkulatar pierapłaty za elektryčnaść uzimku

Prykładna 10% nasielnictva karystajecca sistemaj apłaty pasłuh enierhazabieśpiačeńnia pa taryfach, dyfierencyravanych pa časie sutak.

Pra heta na pres-kanfierencyi 9 kastryčnika paviedamiŭ načalnik upraŭleńnia zbytu enierhii DVA «Biełenerha» Siarhiej Šabieka.

Jon nahadaŭ, što takaja sistema apłaty dziejničaje z 1 studzienia 2009 hoda. «Jaje sens zaklučajecca ŭ tym, kab pryciahnuć spažyŭcoŭ da režymnaha ŭzajemadziejańnia z enierhasistemaj praz ekanamičnyja ryčahi. Tańniej spažyvać u toj čas sutak, kali enierhii lišak, daražej — u hadziny pikavych nahruzak», — rastłumačyŭ śpiecyjalist.

Tak, minimalnyja taryfy vyznačany z 22.00 da 17.00, maksimalnyja — z 17.00 da 22.00 u viačerni pieryjad. Roźnica ŭ taryfach składaje 2,8–2,9 razu.

«My čakajem značnaha rostu spažyŭcoŭ takoj sistemy, kali źjavicca ekanamičny stymuł, źviazany z rostam taryfaŭ. Pakul hety rost nie zusim prykmietny, nichto nie choča źviazvacca z dadatkovymi razumovymi zatratami», — adznačyŭ Šabieka. Pry hetym jon adznačyŭ, što takaja sistema maje stanoŭčy suśvietny vopyt.

Pavodle jaho słoŭ, dla pierachodu na sistemu apłaty ŭ zaležnaści ad času sutak nieabchodna nabyć elektronny ličylnik. Jaho košt składaje 400–450 tys. rubloŭ i jon akuplajecca za try-čatyry hady pry isnych taryfach. «Jość prybory ŭliku biełaruskaj vytvorčaści vysokaj jakaści», — adznačyŭ jon.

Darečy, na sajcie «Minskenierhazbyt» zapracavaŭ kalkulatar taryfaŭ: dzie možna pahladzieć, kolki siamja budzie pierapłačvać za elektraenerhiju.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH