8 kastryčnika prakuratura Homielskaj vobłaści pieradała ŭ sud Žłobinskaha rajona dla razhladu kryminalnuju spravu ŭ dačynieńni da žychara Žłobina, jaki abvinavačvajecca ŭ sprobie ŭčynieńnia teraktu. Rasśledavańniem zajmaŭsia Kamitet dziaržbiaśpieki.
Jak raniej paviedamlaŭ centr infarmacyi i hramadskich suviaziaŭ KDB Biełarusi, 24 maja prykładna ŭ 12.00 supracoŭnikami MUS na miescy ŭčynieńnia złačynstva byŭ zatrymany mužčyna, jaki ŭ mascy z nadpisam na arabskaj movie i z užyvańniem jomistaściaŭ z zapalnaj sumieśsiu i samarobnaj vybuchovaj pryładaj (SVP) mahutnaściu prykładna 5 kh u tratyłavym ekvivalencie sprabavaŭ učynić terarystyčnyja dziejańni ŭ dačynieńni da supracoŭnikaŭ padraździaleńnia milicyi pa miescy ich dysłakacyi ŭ Žłobinie.
1 červienia zatrymanamu było pradjaŭlena abvinavačańnie va ŭčynieńni złačynstva, jakoje kvalifikujecca pa č. 1 art. 14 i č. 1 art. 289 KK (zamach na ŭčynieńnie aktu teraryzmu).
KDB taksama paviedamlaŭ, što «vyniki nieadkładnych śledčych dziejańniaŭ i apytańnia paćvierdzili prychilnaść abvinavačvanaha idejam radykalnaha isłamizmu. Pavodle jaho słoŭ, asnoŭnaj metaj učynieńnia teraktu było zapałochvańnie nasielnictva i imknieńnie adpomścić orhanam milicyi».
Śledstvam u liku inšych prapracoŭvajecca viersija, što supraćpraŭnyja dziejańni abvinavačvanaha mohuć źjaŭlacca zvarotnaj reakcyjaj na spynieńnie pravaachoŭnymi orhanami šerahu kanałaŭ nielehalnaj mihracyi z krain z terarystyčnaj aktyŭnaściu ŭ Jeŭropu i zatrymańnie asob, jakija majuć dačynieńnie da ich arhanizacyi.
Pavodle źviestak KDB, samarobnuju vybuchovuju pryładu padryŭnik vyrabiŭ samastojna na asnovie infarmacyi, jakuju ŭziaŭ z
