Tajamničaja istota źniščyła faktyčna ŭsich kurej, trusoŭ i kačak u pasiołku z nasielnictvam 6 tysiač, jaki znachodzicca ŭ Salihorskim rajonie Minskaj vobłaści. Napadzieńni adbyvajucca amal kožnuju noč. Ludzi z nadychodam ciemry bajacca vychodzić na vulicu, paviedamiła ANT.
Volha Aderycha ni na siekundu nie adpuskaje ruku trochhadovaj dački. Paśla pieražytaj nočy jana baicca pakidać maleńkuju Sašu biez nahladu. U apramietnaj ciemry chtości ci štości napała na ich haspadarku. Dvor byŭ litaralna zasłany tuškami miortvych kurej. Ptuški nie prosta byli, jak kažuć daśviedčanyja haspadyni, zadušanyja — u niasušak vypitaja kroŭ.
Całkam źniščyŭšy haspadarku Volhi, nieviadomaja istota svoj hoład nie nasyciła. I adpraviłasia ŭ susiedni dvor.
Davoli hłybokija ślady viaduć da chlava, dzie hość abiaskroviŭ užo 20 kurej. A kab dabracca da žyŭnaści, drapiežnik vyłamaŭ dźviery, adahnuŭšy tryvały ćvik.
Pra siłu nieviadomaha viziciora kaža i prałom u płocie.Niaprošany hość zrabiŭ davoli vialiki prachod. Niekatoryja doški jon ssunuŭ u baki, a adnu navat vyrvaŭ, niahledziačy na mocna ŭvahnanyja ćviki daŭžynioj 8 santymietraŭ.
Miascovyja spačatku chacieli śpisać usio na vychadki tcharoŭ abo šalonaj lisy, ale ślady ad ikłoŭ na płocie zanadta vialikija.
Paśla taho jak istota, prałamaŭšy ścianu ŭ chlavie, napała na śvińniaŭ, pasiołak zastyŭ u žachu.
Niekatoryja žychary zapeŭnivajuć, što bačyli napadnika. Ale dobra razhledzieć u ciemry nie zmahli, a padyści bližej pabajalisia.
Kolkaść źniščanaha pahałoŭja ptušak u pasiołku idzie ŭžo na tysiačy — na mnohich vulicach chatnich žyvioł naohuł nie zastałosia. Niaprošany hość źniščyŭ navat katoŭ. Usie stały ŭ miascovaj administracyi litaralna zavalenyja listami i kalektyŭnymi zvarotami napałochanych ludziej. Jany patrabujuć abaranić ich. Ale ŭ vykankamie pakul nie viedajuć ad kaho, a hałoŭnaje — jak.
Sielskija strachi padahravajucca čutkami pra tak zvanuju čupakabru.Heta istota z falkłoru narodaŭ Paŭdniovaj Amieryki, jakaja pje kroŭ chatnich žyvioł. Adnak aficyjnych paćvierdžańniaŭ pakul niama. «Čupakabru» nieadnarazova łavili, ale joj akazvalisia to šalonyja kajoty, to šablazubyja kienhuru, jakija mutavali.
Padobnyja vypadki napadzieńniaŭ na skacinu ŭžo byli va Ukrainie i Rasii, ale takoha maštabnaha źniščeńnia chatnich žyvioł, jak u Biełarusi, pakul jašče nie było. Nie schilnyja da mistyki śpiecyjalisty pa lasnym nasielnictvie sprabujuć vyznačyć kryvapiŭca tearetyčna.
Pakul śpiecyjalisty varožać, chto trymaje ŭ strachu Starobin, miascovyja žychary pierastali vychodzić na vulicu ŭ ciemry.
Užo ŭ pryciemkach
Zaznačym, što minuły raz — nijakich paralelaŭ i namiokaŭ — čupakabra źjaŭlałasia ŭ samy razhar valutnaha kryzisu ŭ Biełarusi, u mai 2011 h., akurat pierad devalvacyjaj.
