Vykładčyka Hrodzienskaha ŭniviersiteta zvalniajuć za kazku pra Pahoniu 39

Ihar Kuźminič.

Imia novaj mahčymaj achviary «začystki» ŭ Hrodzienskim univiersitecie imia Janki Kupały ŭžo viadomaje. Heta biełaruskamoŭny vykładčyk Ihar Kuźminič, jaki da vieraśnia 2012 h. byŭ namieśnikam dekana jurydyčnaha fakulteta.

Kuźminič — vysakajakasny śpiecyjalist. Jon taksama viadoma jak čałaviek, jaki šmat rabiŭ dla pašyreńnia biełaruskaj movy:

ad publikacyj na śpiecyjalnyja temy da biełaruskamoŭnych jalinak dla dziaciej.

Jak stała viadoma redakcyi radyjo «Tvoj styl» ad supracoŭnikaŭ univiersitetu, jakija chacieli zastacca nieviadomymi,

ad zahadčyka Inavacyjnaha centra jurydyčnaj adukacyi Ihara Kuźminiča vymahajuć napisać zajavu na zvalnieńnie pa pahadnieńni bakoŭ.

Nakolki nam stała viadoma, farmalnaj pryčynaj dla cisku stali kazka pra Pahoniu i kazka pra bieł-čyrvona-bieły ściah,

napisanyja sp-m Kuźminičam i źmieščanyja ŭ jaho błohu.

U kastryčniku 2010 h. niekatoryja z kazak sp-ra Kuźminiča byli vydadzienyja ŭ vyhladzie aŭdyjoknihi «Kazki Žyćcia Mikitki i Daniłka».

Siužet pra aŭtara aŭdyjoknihi byŭ pakazany navat pa ANT.

Telefon samoha vykładčyka pakul znachodzicca pa-za zonaj dziejańnia sietki.

Nahadajem, što ŭ vieraśni z univiersiteta byŭ zvolnieny historyk Andrej Čarniakievič, a ź jašče niekalkimi vykładčykami adbylisia «prafiłaktyčnyja razmovy» z udziełam supracoŭnikaŭ śpiecsłužbaŭ.

Pavodle t-styl.info

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH