Na jaje dumku, nieabchodna aktyvizavać pracu ź finansavym rynkam Biełarusi, zakanadaŭča rehłamientavać dziejnaść šerahu jaho siehmientaŭ, takich jak, naprykład, mikrafinansavańnie, spažyvieckija kaapieratyvy. Asobnym zakonam nie prapisany lizinh, faktorynh, farfiejtynh. Hetaje pytańnie abmiarkoŭvałasia z uradam, Ministerstvam finansaŭ. «My ŭzhadnili, što strachavy rynak i kaštoŭnyja papiery zastajucca za Minfinam, a pradukty, bližejšyja da bankaŭskaj sistemy, — za Nacyjanalnym bankam», — patłumačyła jana. Pavodle słovaŭ Nadziei Jermakovaj, heta nieabchodna, kab uparadkavać pracu na finansavym rynku. «Užo padrychtavali prajekt sumiesnaj pastanovy ŭrada i Nacyjanalnaha banka. My raźmiažoŭvajem naš rynak i pracujem», — dadała kiraŭnik Nacyjanalnaha banka.
U padrychtoŭcy adpaviednaj zakanadaŭčaj bazy pavinnyja ŭdzielničać Nacyjanalny bank, ministerstvy finansaŭ, ekanomiki, justycyi, mnohija inšyja ministerstvy, ličyć jana. «Miarkujem, što ŭ čaćviortym kvartale hetaha hoda my ŭžo budziem zajmacca padrychtoŭkaj zakanadaŭstva pa mikrafinansavańni, pa spažyvieckich kaapieratyvach. A Ministerstva finansaŭ zapłanavała na pieršy kvartał 2013 prapisvać bolš surjoznyja pytańni pa strachavym rynku», — paviedamiła Jermakova.
Raniej pra nieabchodnaść dakładna vybudavać sistemu rehulavańnia, nahladu ŭsich siehmientaŭ finansavaha rynku zajaŭlaŭ namieśnik staršyni praŭleńnia Nacbanka Siarhiej Dubkoŭ. Nacbank, pravioŭšy ŭnutranyja dyskusii, źviarnuŭsia da prem'
