U saviecie respubliki ŭpieršyniu źjaviacca pradstaŭniki ad «rasijskaha» i «zachodniaha» biznesu 14

5 vieraśnia Centralnaj kamisijaj Respubliki Biełaruś pa vybarach i praviadzieńni respublikanskich refierendumaŭ zarehistravanyja kandydaty ŭ členy savieta respubliki piataha sklikańnia.

Ich 56, i jany pretendujuć na 56 miescaŭ u saviecie respubliki. Adpaviedna, budzie zaćvierdžana kandydatura kožnaha ź ich. Aproč taho, vosiem sienataraŭ pryznačyć asabista Alaksandr Łukašenka.

Admietna, što z usich kandydataŭ tolki adzin «partyjec» — Mikałaj Kaniavałaŭ — kamunist z KPB.

Jość prynamsi adzin vielmi bahaty čałaviek — Alaksandr Šakucin z «Amkadora» — tak by mović, paŭnamocny pradstaŭnik ad korpusu miljanieraŭ. I prynamsi adzin čałaviek, zdolny havaryć pa-biełarusku: historyk z Mahilova Ihar Marzaluk.

U svaich knihach i artykułach u časopisie «Arche» jon adstojvaŭ skieptyčny pohlad na Vialikaje Kniastva Litoŭskaje i šmat palemizavaŭ pra jaho z Hienadziem Sahanovičam. Cikava, ci budzie Marzaluk publična havaryć pa-biełarusku, ci pačnie prystasoŭvacca.

Davoli šmat prysutničaje paśpiachovych biznesoŭcaŭ i haspadarnikaŭ, siarod ich Martynaŭ z «Marka», Siańko z «Jo-Inžynirynhu» (biznes rasiejski) i Navicki z «Chienkiel Baŭtechnik» (biznes z zachodnimi suviaziami),

a taksama ahrarniki Raviaka (Vierciališki), Radaman (Snoŭ), Maroz (Biełaviežski), Pinčuk (Mahiloŭ), Šarejka (Viciebsk).

Nu, i rytualnyja zaatechniki, zah. rajana, hałoŭnyja i niehałoŭnyja daktary, adzin hazavik, adzin naftavik, dva kalijniki i adstaŭny ciažkaatlet. Ad kožnaj sacyjalnaj hrupy — pa pradstaŭniku, jak i naležyć karparatyŭnaj dziaržavie.

Sienatarami stanuć usie kiraŭniki abłaściej i Minska, mnohija staršyni našych biezhałosych abłasnych savietaŭ.

Bolšaść kandydataŭ maje ŭzrost 50–60 hadoŭ. Vyrazna starejšy tolki adzin — ciapierašni staršynia Savieta Respubliki Anatol Rubinaŭ, znakamity ideołah i adnačasova paet, aŭtar vierša pra tualecišča.

Saviet respubliki ŭ vyniku ŭjaŭlaje saboj taki elitarny kłub, naležać da jakoha prestyžna, materyjalna vyhadna i pa-svojmu cikava. Vyrašać hety kłub ničoha nie vyrašaje, ale bić čałom caru-baciuchnu ŭ vypadku čaho daje mahčymaść.

Takim čynam, «kandydaty.

ad Bresckaj vobłaści:

Taćciana Udavienka, 1954 hoda naradžeńnia, dyrektar PUP „Viktoryja“, pražyvaje ŭ h. Łunincy.

Lidzija Hrynieŭskaja, 1965 hoda naradžeńnia, hałoŭny zaatechnik sielskahaspadarčaha vytvorčaha kaapieratyva „Paleskaja niva“ Stolinskaha rajona.

Ludmiła Kucharskaja, 1966 hoda naradžeńnia, staršynia adździeła hałoŭnaha miechanika i enierhietyka, dapamožnych słužbaŭ AAT „Baranavickaje vytvorčaje bavaŭnianaje abjadnańnie“.

Juryj Maroz, 1950 hoda naradžeńnia, hienieralny dyrektar AAT „Biełaviežski“.

Ludmiła Mikałajčyk, 1960 hoda naradžeńnia, zahadčyk piedyjatryčnym adździaleńniem Drahičynskaj centralnaj rajonnaj balnicy.

Taćciana Ničyšyna, 1972 hoda naradžeńnia, zahadčyk kafiedry piedahohiki pačatkovaha navučańnia Bresckaha dziaržaŭnaha univiersiteta imia A. S. Puškina».

Kanstancin Sumar, 1949 hoda naradžeńnia, staršynia Bresckaha abłvykankama.

Ludmiła Šmat, 1976 hoda naradžeńnia, načalnik płanava-ekanamičnaha adździeła pradzilnaj fabryki AAT Pinskaje pramysłova-handlovaje abjadnańnie «Paleśsie».

ad Viciebskaj vobłaści:

Mikałaj Kaniavałaŭ, 1952 hoda naradžeńnia, dyrektar daččynaha RUP «Dziaržbudekśpiertyza pa Viciebskaj vobłaści».

Alaksandr Kosiniec, 1959 hoda naradžeńnia, staršynia Viciebskaha abłvykankama.

Natalla Kačanava, 1960 hoda naradžeńnia, staršynia Navapołackaha harvykankama.

Mikałaj Martynaŭ, 1957 hoda naradžeńnia, hienieralny dyrektar STAA «Marka».

Uładzimir Płytkievič, 1965 hoda naradžeńnia, hałoŭny ŭrač Aršanskaj centralnaj palikliniki.

Alaksandr Saładkoŭ, 1960 hoda naradžeńnia, rektar Viciebskaha dziaržaŭnaha ŭniviersiteta imia P.Mašerava.

Hanna Šarejka, 1960 hoda naradžeńnia, dyrektar AAT «Viciebskaja brojlernaja ptuškafabryka».

Piatro Šeršań, 1949 hoda naradžeńnia, hienieralny dyrektar RUP «Viciebskabłhaz».

ad Homielskaj vobłaści:

Siarhiej Biaspały, 1962 hoda naradžeńnia, hałoŭny redaktar haziety «Homielskaja praŭda».

Uładzimir Dvornik, 1963 hoda naradžeńnia, staršynia Homielskaha abłvykankama.

Anžalika Darahakupiec, 1964 hoda naradžeńnia, namieśnik hałoŭnaha doktara pa miedycynskaj častcy Homielskaha abłasnoha kliničnaha kardyjałahičnaha dyspansiera.

Iryna Kralevič, 1965 hoda naradžeńnia, prarektar pa navukovaj rabocie Mazyrskaha dziaržaŭnaha piedahahičnaha univiersiteta imia I.Šamiakina».

Alaksandr Lachaŭ, 1962 hoda naradžeńnia, hienieralny dyrektar RUP Vytvorčaje abjadnańnie «Biełarusnafta».

Iryna Piatkun, 1966 hoda naradžeńnia, dyrektar Rečyckaha rajonnaha liceja.

Taćciana Struk, 1957 hoda naradžeńnia, dyrektar AAT «Ator».

Dźmitryj Čarniak, 1974 hoda naradžeńnia, hałoŭny inžynier AAT «Homielski chimičny zavod».

ad Hrodzienskaj vobłaści:

Juryj Alaksiej, 1973 hoda naradžeńnia, pieršy sakratar Hrodzienskaha abłasnoha kamiteta BRSM.

Tamara Daŭhašej, 1960 hoda naradžeńnia, hałoŭny ŭrač Hrodzienskaha abłasnoha kliničnaha kardyjałahičnaha centra.

Adam Kavalka, 1958 hoda naradžeńnia, staršynia Astravieckaha rajvykankama.

Alaksandr Kurłovič, 1961 hoda naradžeńnia, vykanaŭčy dyrektar pradstaŭnictva Nacyjanalnaha alimpijskaha kamiteta Respubliki Biełaruś u Hrodzienskaj vobłaści.

Andrej Paŭłoŭski, 1967 hoda naradžeńnia, namieśnik dyrektara pa inviestycyjach TAA «Bijakam».

Nina Paźniak, 1956 hoda naradžeńnia, hałoŭnaja redaktarka Lidskaha teleradyjoabjadnańnia.

Tamara Paśledniaja, 1960 hoda naradžeńnia, pieršaja namieśnica hienieralnaha dyrektara AAT «Hrodna Azot».

Vasil Raviaka, 1948 hoda naradžeńnia, staršynia sielskahaspadarčaha vytvorčaha kaapieratyva «Prahres-Vierciališki».

ad Minskaj vobłaści:

Barys Batura, 1947 hoda naradžeńnia, staršynia Minabłvykankama.

Śviatłana Hierasimovič, 1957 hoda naradžeńnia, staršynia Minskaha abłasnoha savieta deputataŭ.

Jaŭhien Karaškoŭ, 1954 hoda naradžeńnia, namieśnik hienieralnaha dyrektara pa ideałahičnaj pracy AAT Barysaŭski zavod «Aŭtahidraŭzmacnialnik».

Lilija Maroz, 1956 hoda naradžeńnia, zahadčyk Pieršaj Minskaj abłasnoj dziaržaŭnaj nataryjalnaj kantory.

Siarhiej Navicki, 1962 hoda naradžeńnia, hienieralny dyrektar STAA «Chienkiel Baŭtechnik».

Uładzimir Paŭlukievič, 1961 hoda naradžeńnia, načalnik cecha silvinitavaj abahačalnaj fabryki druhoha rudakiravańnia AAT «Biełaruśkalij».

Mikałaj Radaman, 1955 hoda naradžeńnia, staršynia sielskahaspadarčaha vytvorčaha kaapieratyva «Ahrakambinat Snoŭ».

Śviatłana Saroka, 1968 hoda naradžeńnia, dyrektar Pałaca kultury ŭ Maładziečnie.

ad Mahiloŭskaj vobłaści:

Valer Ivanoŭ, 1955 hoda naradžeńnia, hienieralny dyrektar ZAT «Biełaruskaja kalijnaja kampanija».

Vital Kastahoraŭ, 1969 hoda naradžeńnia, dyrektar ZAT «Paliteks».

Nina Kaścian, 1961 hoda naradžeńnia, dyrektar Babrujskaha dziaržaŭnaha prafiesijna-techničnaha mastackaha kaledža imia A.Łaryna».

Alena Krućko, 1958 hoda naradžeńnia, hałoŭnaja doktarka Kiraŭskaj centralnaj rajonnaj balnicy.

Ihar Marzaluk, 1968 hoda naradžeńnia, zahadčyk kafiedry archieałohii i śpiecyjalnych histaryčnych dyscyplin Mahiloŭskaha dziaržaŭnaha ŭniviersiteta imia A.Kulašova».

Uładzimir Panciuchoŭ, 1952 hoda naradžeńnia, staršynia Mahiloŭskaha abłasnoha savieta deputataŭ.

Viktar Pinčuk, 1951 hoda naradžeńnia, dyrektar AAT «Ahrakambinat «Uzychod» Mahiloŭskaha rajona.

Piatro Rudnik, 1957 hoda naradžeńnia, staršynia Mahiloŭskaha abłvykankama.

ad horada Minska:

Ihar Buzoŭski, 1972 hoda naradžeńnia, pieršy sakratar BRSM.

Mikałaj Kazaraviec, 1949 hoda naradžeńnia, rektar Biełaruskaha dziaržaŭnaha ahrarnaha techničnaha ŭniviersiteta.

Mikałaj Ładućka, 1959 hoda naradžeńnia, staršynia Minharvykankama.

Alaksandr Maroz, 1975 hoda naradžeńnia, namieśnik hienieralnaha dyrektara pa karparatyŭnym raźvićci i jakaści AAT «Minski miechaničny zavod imia S.Vaviłava».

Anatol Rubinaŭ, 1939 hoda naradžeńnia, staršynia Savieta Respubliki.

Anatol Rusiecki, 1951 hoda naradžeńnia, staršynia prezidyuma Nacyjanalnaj akademii navuk Biełarusi.

Uładzimir Siańko, 1946 hoda naradžeńnia, pamočnik dyrektara pradstaŭnictva TAA «Jo-Inžynirynh» (RF) u Biełarusi.

Alaksandr Šakucin, 1959 hoda naradžeńnia, staršynia Rady dyrektaraŭ AAT «Amkador».

Mikoła Buhaj, AH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH