Biełaruskaja delehacyja na čale ź ministram architektury i budaŭnictva Anatolem Ničkasavym 23–30 žniŭnia naviedvaje ź vizytam Venesuełu i Ekvador, paviedamili ŭ presavaj słužbie Ministerstva zamiežnych spraŭ Biełarusi.
U skład delehacyi ŭvachodziać namieśnik ministra zamiežnych spraŭ Biełarusi Siarhiej Alejnik, a taksama pradstaŭniki šerahu biełaruskich arhanizacyj. U ramkach vizytu ŭ Venesuełu biełaruskaja delehacyja praviadzie sustrečy z kiraŭnictvam ministerstvaŭ zamiežnych spraŭ, pramysłovaści, nafty i hornarudnaj pramysłovaści, žylla i žyłoj infrastruktury.
Jak planujecca, padčas znachodžańnia ŭ Ekvadory adbuducca pieramovy z kiraŭnictvam Administracyi Prezydenta, ministerstvaŭ zamiežnych spraŭ, haradzkoha raźvićcia i žyllovaj haspadarki.
U
asablivaja ŭvaha budzie nadadziena realizacyi damoŭlenaściaŭ, dasiahnutych u chodzie vizytu Alaksandra Łukašenki ŭ hetyja krainy.Nahadajem, pavodle ekvadorskaj presy, adnoj z takich damoŭlenaściaŭ mahła być vydača Miensku byłoha biełaruskaha milicyjanta Alaksandra Barankova, jaki atrymaŭ u Ekvadory palityčny prytułak, śćviardžajučy, što jaho pieraśledujuć za vykryćcio karupcyjnych schiemaŭ.
Miascovaja presa nahadvaje, što pavodle dziejnaha zakanadaŭstva, Kita nia maje prava vydavać ludziej, jakim pahražaje śmiarotnaje pakarańnie abo pažyćciovaje źniavoleńnie. Pry hetym nienazvanyja krynicy ŭ ekvadorskaj sudovaj systemie śćviardžajuć, što ŭ časie vizytu Alaksandra Łukašenki ŭ Ekvador, biełaruski bok daŭ harantyi, što Barankoŭ nia budzie prysudžany da nazvanych pakarańniaŭ.
