Pra heta zajaviŭ Mikałaj Ładućka na pasiedžańni arhanizacyjnaha kamiteta pa padrychtoŭcy i praviadzieńni čempijanatu. Zusim chutka pačnie pracu novy hatel kłasa «3 zorki» na 100 čałaviek na vuł. Internacyjanalnaj. Paśla rekanstrukcyi ŭviaduć u ekspłuatacyju
Akramia hetaha novy hatel źjavicca na terytoryi Parku vysokich technałohij. «Na naradzie ŭ PVT my kančatkova vyznačylisia, što pa Kupreviča, 4 inviestar nijakich układańniaŭ rabić nie budzie, tamu my sami hetuju terytoryju zojmiem, — rastłumačyŭ mer horada. — Tut zbudujem taki ž hatel, jakija budujem siońnia ŭ panelnym varyjancie ŭ Centralnym, Leninskim i Kastryčnickim rajonach Minska. Jaho architektura całkam upišacca ŭ zabudovu PVT».
Haściej čempijanatu zmohuć pryniać i studenckija internaty, a taksama niekalki dziciačych łahieraŭ, jakija śpiecyjalna dla hetaha padrychtujuć.
Usiaho padčas čempijanatu śvietu pa chakiei ŭ Minsku adnačasova zmohuć raźmiaścić 20 tys. turystaŭ.
Mikałaj Ładućka nahadaŭ, što inviestycyjnaja prahrama Minska na nastupny hod farmujecca ŭ pamiery 9–9,5 trłn rubloŭ. Jana praduhledžvaje budaŭnictva žylla, infrastruktury, a taksama abjektaŭ da čempijanatu śvietu pa chakiei. «My pracujem nad tym, kab da kanca nastupnaha hoda ŭsie abjekty ŭvieści ŭ ekspłuatacyju i padrychtavać ich da pryjomu haściej, — padkreśliŭ Mikałaj Ładućka. — U toj ža čas vyrašajucca pytańni pa transpartnym absłuhoŭvańni zaŭziataraŭ, zachavańni biaśpieki, kulturnaj prahramie».
