Interjer kvatery ci doma šmat čaho moža raskazać pra jaho haspadaroŭ. U tym liku i patencyjnamu kupcu takoha žylla.
Prahladajučy abjavy na sajtach nieruchomaści, možna adšukać prykłady taho, jak lehkadumna adnosiacca da fotarekłamy niekatoryja pradaŭcy žylla.
Naprykład, katedž u pryharadzie Minska ŭ maładziečanskim kirunku koštam 400000 u.a. Nie budziem aceńvać husty haspadaroŭ, a spynimsia tolki na adnym fotazdymku. Na im kuchnia, u centry kadra — klejkaja stužka, ableplenaja muchami.
Byvaje, što na sajty nieruchomaści traplajuć fota kvater, jakija navat elemientarna pierad hetym nie prybrali. Pylnaja padłoha, niamyty posud na kuchonnym stale i h.d.
Z ahulnych nazirańniaŭ — mnohim biełarusam brakuje pačućcia indyvidualnaści ŭ afarmleńni žytła. Standartnyja padviasnyja stoli z hipsakardonu, prymityŭnyja kitajskija karcinki na ścienach, strakatyja špalery, nie mienš strakatyja plušavyja cacki na kanapach i kresłach. A jašče moda na abrazy — kvater, sa ścienaŭ jakich na vas hladzić lik kahości sa śviatych, na sajtach nieruchomaści traplajecca niamała. Časam relihijnaje ŭpisvajecca ŭ interjer davoli sprečnym čynam.
Adna sa staličnych kvater. Nad uvachodam kryž, vykładzieny z abrazoŭ. Nad im kitajskija zvanočki, a na ścienach pobač karcinki kocikaŭ i sabačak.
Zrešty, badaj nie varta pierajmacca za pośpiech prodažu takich kvater. Abjomy prapanovy biezhustoŭna abstaŭlenaha žytła napeŭna ž śviedčać pra najaŭnaść popytu na ich.
