Dalejšaje raspaŭsiudžvańnie afrykanskaj čumy śviniej (AČS) u dzikaj pryrodzie ŭ Rasii pahražaje epizaatyčnaj biaśpiecy Biełarusi, Ukrainy i krain Jeŭrasajuza. Ab hetym zajaviŭ namieśnik kiraŭnika Raśsielhasnahladu, hałoŭny vieterynarny inśpiektar Rasii Jaŭhien Niepakłonaŭ na śpiecyjalnaj naradzie pa prablemach raspaŭsiudžvańnia AČS, paviedamili karespandentu BIEŁTA ŭ pres-słužbie rasijskaha karancinnaha viedamstva.
Hetymi dniami ŭspyška afrykanskaj čumy śviniej upieršyniu była zafiksavana ŭ Jarasłaŭskaj vobłaści, jakaja stała 27-m rasijskim rehijonam, dzie vyjaŭleny vypadki hetaha vielmi niebiaśpiečnaha dla śvinahadoŭli zachvorvańnia. Narada była pryśviečana pryniaćciu terminovych mier pa baraćbie z AČS u pieršuju čarhu ŭ Jarasłaŭskaj, a taksama ŭ Rastoŭskaj abłaściach, dzie ŭpieršyniu ź listapada 2011 hoda taksama zafiksavana ŭspyška zachvorvańnia.
Jaŭhien Niepakłonaŭ adznačyŭ nieabchodnaść terminovaha pryniaćcia mier pa depapulacyi dzikoŭ, jakija źjaŭlajucca raznosčykami infiekcyi. Jon taksama źviarnuŭ uvahu na vypadki ŭtojvańnia infarmacyi ab hibieli žyvioł, u pryvatnaści, na Kubani, što pryviało da raspaŭsiudžvańnia zachvorvańnia siarod dzikoŭ u płaŭniach Astrachanskaj i Vałhahradskaj abłaściej i jaho zanosu na terytoryju Rastoŭskaj vobłaści.
Jak prainfarmavaŭ kiraŭnik upraŭleńnia Raśsielhasnahladu pa Rastoŭskaj vobłaści Anton Karmazin, u pryvatnaj haspadarcy, dzie była zafiksavana apošniaja pa liku ŭspyška AČS, vyjaŭlena bolš za sotniu trupaŭ śviniej, jakija zahinuli ad virusa. Źniščana i spalena 955 śviniej, jakija byli na śvinafiermie, i 120 śviniej u pieršaj niebiaśpiečnaj zonie. Vystaŭleny pasty, arhanizavany nadhlady transpartu, ustanoŭleny dezynfiekcyjnyja barjery. Prachodzić pravierka miasakambinata, kudy pastaŭlalisia śvińni z hetaj haspadarki, ustanaŭlivajucca šlachi pastavak pradukcyi. Śledčy kamitet prainfarmavany ab fakcie ŭtojvańnia pra padziež śviniej i isnujučaj situacyi. Pravodzicca epizaatyčnaje rasśledavańnie.
Hladzi jašče: Minsielhascharč: Śviniej u Navahrudskim rajonie źniščyli ŭ ramkach vučeńniaŭ
