Palitviazień Arciom Prakapienka abviaściŭ haładoŭku

U piatnicu baćka palitviaźnia Anatol Prakapienka z advakatam naviedali Mahiloŭskuju kałoniju, dzie Arciom adbyvaje 7-hadovaje pakarańnie. Kiraŭnictva kałonii paviedamiła advakatu, što z 8 žniŭnia Arciom haładaje,

a 15 žniŭnia jaho źmiaścili ŭ ŠIZA.

Na dumku maci Arcioma spadaryni Vijalety, jaje syna chočuć izalavać u kałonii.

Raniej palitviaźniu zabaranili atavarvacca navat na 100 tysiač (jak złosnamu parušalniku, jamu skaracili tak zvanuju «atavarku» z 500 tysiač da 100 tysiač).

Jaho spravabali pieravieści na pracu ŭ pieršuju źmienu (a pracuje Arciom pamočnikam malara), i tady jon zastavaŭsia b biez abiedu.

Bo Prapakienka — viehietaryjaniec, i zamiest abiedu sam hatuje sabie kašu — zalivaje kipniem paŭfabrykat.

Listy palitviazień atrymlivaje tolki ad baćkoŭ, inšaja karespandencyja da jaho nie dachodzić.

Maci Ihara Alinieviča spadarynia Valancina pasyłała Prakapienku vinšavalnyja paštoŭki ź Vialikadniem, z dniom narodzinaŭ, i jany viarnulisia.

Baćki Prakapienki razam z advakatam źbirajucca naviedać Arcioma 22 žniŭnia,

kali jon pavinien vyjści z ŠIZA.

Radyjo «Svaboda»

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH