Pieramožcam16-ha turniru pa futbole «Kubak Svabody» pamiaci biełaruskaha palityka Hienadzia Karpienki, jaki prajšoŭ 18 žniŭnia ŭ Minsku, druhi hod zapar stała kamanda arhkamiteta pa stvareńni «Biełoruskaha ruchu».
Zhodna z rehłamientam turniru, kožnaja z kamand zhulała z astatnimi, pieramožca Byŭ vyjaŭleny pa kolkaści nabranych ačkoŭ. «Biełaruski ruch» vyjhraŭ čatyry hulni i adnu źvioŭ da ničyjoj.
Druhoje miesca zaniała kamanda Abjadnanaj Hramadzianskaj partyi, treciaje — Biełaruskaha Chielsinkskaha kamiteta (BCHK).
U turniry taksama brali ŭdzieł kamandy Biełaruskaj asacyjacyi žurnalistaŭ (BAŽ), Partyi BNF, ruchu «Za Svabodu».
U cełym hulnia na turniry prachodziła karektna, ale nie abyjšłosia i biez traŭmaŭ: ruku złamaŭ bramnik BAŽ Michaś Jančuk.
Za čas praviadzieńnia turniru pamiaci Karpienki čatyry razy ŭładalnikam hałoŭnaha trafieja stanaviłasia zbornaja žurnalistaŭ. Trojčy turnir vyihryvały kamanda AHP i zbornaja Partyi BNF, dvojčy — Biełaruskaj partyi levych «Spraviadlivy śviet», pa adnym razie — zbornyja fondu imia Karpienki i
Turnir «Kubak Svabody» pravodzicca z 1997 hoda. Da hetaha padobnyja spabornictvy byli prymierkavanyja da pryniaćcia Dekłaracyi ab suvierenitecie Respubliki Biełaruś, i ŭ ich aktyŭna ŭdzielničaŭ sam Hienadź Karpienka. Paśla śmierci palityka turnir nazvali jaho imiem.
Hienadź Karpienka pamior 6 krasavika 1999 h. va ŭzroście 49 hadoŭ, praz tydzień paśla taho, jak pieražyŭ insult.Raptoŭnaja śmierć apazicyjnaha palityka vyklikała šmat pytańniaŭ, jakija da hetaha času zastajucca biez adkazu.
0
0
0
0
0
0
