Na fota: Matea Miekačy.
Staršynia kamiteta pa pravach čałavieka Parłamienckaj asamblei ABSIE Matea Miekačy — mienavita toj čałaviek, jaki patrebny dla pracy ŭ jakaści kiraŭnika misii naziralnikaŭ za vybarami ŭ Biełarusi. Tak prakamientavaŭ siońniašniaje vykazvańnie Alaksandra Łukašenki kiraŭnik
15 žniŭnia na sustrečy ź ministram zamiežnych spraŭ RF Siarhiejem Łaŭrovym, jaki znachodzicca ŭ Minsku, Łukašenka vykazaŭ niezadavolenaść kandydaturaj kiraŭnika misii ad PA ABSIE. «Dumaju, što mahli b znajści bolš daśviedčanaha čałavieka ŭ častcy Biełarusi i situacyi ŭ Respublicy Biełaruś. My ŭvažliva zaraz vyvučajem usie hetyja pazicyi i, viadoma ž, budziem adpaviednym čynam reahavać», — skazaŭ Łukašenka.
Nił Sajman u svaju čarhu zajaviŭ:
«Matea Miekačy doŭhi čas naziraŭ za raźvićciom padziej u Biełarusi, i jon — mienavita toj čałaviek, jaki patrebny dla taho, kab uznačalić misiju naziralnikaŭ i danieści pazicyju PA ABSIE adnosna parłamienckich vybaraŭ u Biełarusi».
«My pryznačyli Matea Miekačy na hetuju važnuju misiju pavodle prapanovy prezidenta Parłamienckaj asamblei ABSIE Rykarda Miljory», — dadaŭ jon.
Pra toje, što misiju pa nazirańni za parłamienckimi vybarami ŭ Biełarusi ad PA ABSIE ŭznačalić italjaniec Matea Miekačy, stała viadoma prykładna miesiac tamu.
20 lipienia
«My pačynajem hetuju misiju pa nazirańni za vybarami z adkrytym sercam, praciahvajučy ruku našym siabram ź Biełarusi, — skazaŭ jon.— My vielmi spadziajemsia ŭbačyć značnyja pazityŭnyja zruchi ŭ paraŭnańni ź minułymi vybarami, i što ŭsie, uklučajučy i tych, chto znachodzicca pad damašnim aryštam ci ŭ turmie, atrymajuć mahčymaść svabodna i biez abmiežavańniaŭ uziać udzieł u parłamienckich vybarach».
Miekačy nie raz vystupaŭ z krytykaj na adras aficyjnaha Minska. Tak, na naradzie pa čałaviečym vymiareńni ŭ Varšavie ŭ vieraśni 2011 hoda jon zaklikaŭ biełaruskija ŭłady vyzvalić usich viaźniaŭ sumleńnia. Miekačy ŭkazaŭ na šmatlikija prablemy z pravami čałavieka ŭ Biełarusi, uklučajučy svabodu ŚMI, svabodu schodaŭ, spraviadlivyja vybary i śmiarotnuju karu.
Čakajecca, što naziralniki ad ABSIE pačnuć prybyvać u Minsk paśla 20 žniŭnia.
Parłamienckija vybary projduć 23 vieraśnia.
