Miascovyja kažuć, što horad trymajecca dziakujučy pramysłovaści.
Apošnija hady Biełaaziorsk tolki pryhažeje.
U dvarach jość miescy i dla moładzi, i dla piensijanieraŭ.
Kvietki tut paŭsiul.
U Biełaaziorsku šmat maładych siemjaŭ.
Biełaazierskija handlary nabyvajuć kvatery na pieršych pavierchach, kab adčyniać tam svaje kramy.
Biełaazierskija handlary nabyvajuć kvatery na pieršych pavierchach, kab adčyniać tam svaje kramy.
Dziaržaŭny handal zavablivaje pakupnikoŭ afarmleńniem vitrynaŭ.
Niadaŭna adčynieny dyskaŭntar «Dabranom» staŭ papularnym miescam sustreč miascovaj moładzi.
Raźmietka biełaazierskich daroh pryciahvaje ŭvahu.
Raźmietka biełaazierskich daroh pryciahvaje ŭvahu.
Raźmietka biełaazierskich daroh pryciahvaje ŭvahu.
U horadzie praciahvajecca ramont. Himnazija.
U horadzie praciahvajecca ramont. Vulica Hlinskaha.
U horadzie praciahvajecca ramont. Vulica Hlinskaha.
Uskraina.
Adna z prablem — miesca dla parkoŭki.
Adzin z apošnich zbudavanych žyłych kompleksaŭ.
Chtości maryć pra kvateru, a chtości pra ŭłasny zamak.
Upieršyniu Biełaaziersk ja naviedaŭ vosiem hod tamu. Ciapier byvaju tut rehularna, ale nie nahetulki časta, kab nie zaŭvažać pieramieny, jakija pieražyvaje hety haradok. Pamiž im i Minskam adlehłaść u dziasiatak razoŭ bolšaja, čym miž stalicaj i haradami-spadarožnikami. Adnak uładam Zasłaŭja i Fanipala jość čamu pavučycca ŭ horada enierhietykaŭ.
U 2005 hodzie Biełaaziersk nahadaŭ mnie Navahrudak uzoru siaredziny 90-ch. Centr, zabudavany ŭ 50-ja ŭ try i čatyry pavierchi, kampaktny mikrarajon šmatpaviarchovikaŭ na ŭskrainie i biaskoncy pryvatny siektar, jaki patanaje ŭ zielaninie.
Usio heta zachavałasia ŭ Biełaaziersku i zaraz, ale horad nie stajaŭ na miescy hetyja hady. U 2008-m jon adśviatkavaŭ 50-hodździe.
Da śviata horad pa sučasnaj biełaruskaj tradycyi śpiecham adramantavali i, zdavałasia, što niedaroblenaje, toje što chavajecca ad čužoha voka ŭ dvarach i na ŭskrajkach, tak i budzie čakać da nastupnaha jubileju. Vyjšła ž naadvarot.
Horad tolki pryhažeje hod ad hodu. Centralnyja vulicy i praśpiekt Miru ŭpryhožvajuć kłumby. Cełyja kvietniki možna nazirać na bałkonach žyłych damoŭ.
Tut šmat drevaŭ, i nie tolki za košt parka i skviera, a prosta na vulicach. U dvarach źjavilisia novyja dziciačyja placoŭki, mnostva łavačak. Dziasiatki łavaŭ stajać ŭzdoŭž praśpiektu.
Pryvablivaje voka raźmietka daroh. «Lažačyja palicejskija» pafarbavanyja ŭ žoŭty koler, ich ciažka prapuścić, jak heta časta možna nazirać u Zasłaŭi. Da piešachodnych pierachodaŭ viaduć namalavanyja biełaj farbaj adbitki stupakoŭ.
Asobnaje słova pra miascovyja kramy. Asartymient i ceny miescami nahadvajuć minskija hipiermarkiety. Pryčynaj tut, mahčyma, adčynieny na dniach dyskaŭntar «Dabranom». U susiedniaj Biarozie takaja krama pad Novy hod nahandlavała na miljard rubloŭ, «adciahnuŭšy» ŭ dziaržaŭnych kankurentaŭ kala 300 miljonaŭ.
Biełaazierskija handlary pačali nabyvać kvatery na pieršych pavierchach, kab adčyniać tam svaje kramy. Užo siońnia pracuje kandytarskaja krama, na čarzie — kramki dziciačaj vopratki i pobytavaj chimii. Raźlik tut prosty: arandavać handlovuju płošču doraha; vykuplenaje, adramantavanaje i vyviedzienaje z žyllovaha fondu pamiaškańnie chutka akupicca.
Naturalna, jość u Biełaaziersku i svaje prablemy. Vulica Hlinskaha dahetul biez asfaltu, i heta ciahniecca nie pieršy hod. Nie chapaje miescaŭ dla parkoŭki ŭ dvarach — zastaŭlenyja aŭtamabilami hazony i dziciačyja placoŭki tut zvykłaja sprava. Vidavočna nie chapaje zabaŭlalnych ustanovaŭ. Budziem spadziavacca, što horad spravicca i z hetymi pytańniami.
U čym ža sakret pośpiechu Biełaaziorska? Miascovyja kažuć, što horad trymajecca dziakujučy pramysłovaści. Tut pracuje Biarozaŭskaja DRES, enierhamiechaničny zavod, abutkovaja fabryka «Biełkielmie».
Padsumoŭvajučy, skažu, što mienavita takim mnie i ŭjaŭlajecca prystaličny horad. Z dahledžanymi vulicami i ŭtulnymi dvarami. Z mnostvam drevaŭ, jakija harantujuć adpačynak ad staličnaha kurodymu. Z sučasnymi, a nie «savieckimi» kramami. Horad, u jakim chočacca žyć.
