12 miedaloŭ: heta pravał ci abjektyŭnaja realnaść? 42

Značnuju častku miedaloŭ Biełaruś atrymała ŭ žanočych siłavych vidach sportu.

Biełaruski spartoviec Sasłan Hatcyjeŭ (volnaja baraćba, katehoryja da 84 kh) viečaram 11 žniŭnia prajhraŭ sutyčku za bronzu hruzinskamu barcu Dato Marsahašvili. Sasłan paśpiachova prajšoŭ 1/8 i 1/4 finału, ale sastupiŭ u paŭfinale, a potym i sutyčku za bronzu.

Čempijon śvietu Alaksiej Šemaraŭ (da 120 kh) prajhraŭ u čverćfinale, prajšoŭšy tolki stadyju 1/8 finału.

U niadzielu svaje bai prajhrali Ali Šabanaŭ i Rusłan Šejchaŭ.

U niadzielu srebra na Alimpijadzie vyjhrała žanočaja zbornaja pa mastackaj himnastycy. Taksama projduć spabornictvy žančyn u sučasnym piaciborji (miedal Nastaśsi Prakapienki?).

Biełaruś zavajavała 12 miedaloŭ: 2 załatyja, 5 srebranych, 5 bronzavych.

11 žniŭnia, srebra na 200 mietrach vyjhrali bajdaračniki Raman Pietrušenka i Vadzim Machnieŭ, bronzu -- u indyvidualnych spabornictvach pa mastackaj himnastycy Luboŭ Čarkašyna.

Usie biełaruskija ŭznaharody vyhladajuć nastupnym čynam:

Zołata: Nadzieja Astapčuk (6 žniŭnia, lohkaja atletyka, jadro) [u paniadziełak, 13 žniŭnia, stała viadoma, što Nadzieja Astapčuk dyskvalifikavanaja] Maksim Mirny / Viktoryja Azaranka (5 žniŭnia, tenis, mikst), Siarhiej Martynaŭ (3 žniŭnia, stralba);

srebra: dva miedali Alaksandry Hierasimieni (2 žniŭnia i 4 žniŭnia; płavańnie), miedal bratoŭ Alaksandra i Andreja Bahdanovičaŭ (9 žniŭnia, kanoe-dvojka), miedal Ramana Pietrušenki i Vadzima Machnieva (11 žniŭnia, bajdarka-dvojka, 200 mietraŭ), miedal u zbornaj pa mastackaj himnastycy.

bronza: Maryna Škiermankova (1 žniŭnia, ciažkaja atletyka) i Iryna Kuleša (3 žniŭnia; ciažkaja atletyka), Viktoryja Azaranka (4 žniŭnia; tenis), bajdarka-čaćviorka (8 žniŭnia; Iryna Pamiełava, Nadzieja Papok, Volha Chudzienka i Maryna Pałtaran), Luboŭ Čarkašyna (11 žniŭnia, mastackaja himnastyka).

Pieršy vice-prezident Nacyjanalnaha alimpijskaha kamiteta i pamočnik Łukašenki pa pytańniach fizkultury, sportu i raźvićcia turyzmu Ihar Zaičkaŭ siońnia nazvaŭ vystup biełaruskich atletaŭ niezdavalniajučym, a ŭ niekatorych vidach sportu -- pravalnym. Nahadajem, pierad Hulniami kiraŭnictva krainy staviła zadaču ŭziać 25 miedaloŭ, u tym liku 5 załatych. Varta adznačyć, što ŭ demakratyčnych jeŭrapiejskich krainach nichto "płana pa miedalach" nie stavić. Ludzi ž -- nie mašyny.

U cełym na Letnich Alimpijadach biełarusy nikoli navat 20 uznaharod nie brali.

Na Alimpijadzie ŭ Piekinie ŭ 2008 h. biełarusy zavajavali 19 miedaloŭ (4 załatyja, 5 siarebranych, 10 bronzavych), u Afinach-2004 — 15 (2, 6, 7), Sidnei-2000 — 17 (3, 3, 11), Atłancie-1996 — 15 (1, 6, 8).

A Vy jak ličycie, 13 miedaloŭ, heta pravał ci abjektyŭnaja realnaść i naš siońniašni ŭzrovień?

Ci možna patrabavać ad spartoŭcaŭ, kab ich vynosili z dyvana?

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH