6 miesiacaŭ aryštu za sprobu viarnuć siabru kachanuju 2

Nabyŭ moc prysud, vyniesieny ŭ dačynieńni da 32-hadovaha žychara Łuninca za chulihanstva z prymianieńniem nasilla.

Jak paviedamiła BiełaPAN staršy prakuror adździeła prakuratury Bresckaj vobłaści Łarysa Karanievič, asudžany i jašče adzin mužčyna pavinny byli insceniravać u Kobrynie napad na žančynu, jakaja pakinuła ich ahulnaha siabra. Pra heta ich paprasiŭ pakinuty paluboŭnik.

Zhodna z płanam, jon mieŭ namier «vyratavać» žančynu ad napadnikaŭ i takim čynam znoŭ dabicca jaje ŭvahi. Pakinuty mužčyna pakazaŭ siabram fatahrafiju, pa jakoj tyja pavinny byli paznać žančynu, i paviedamiŭ, dzie jana žyvie.

«31 studzienia kala siami ranicy jany vykanali zadumanaje, ale pierabłytali abjekt. Schapili za ruki žančynu, jakaja vyjšła z susiedniaha doma. Paciarpiełaja, da śpiny jakoj 32-hadovy asudžany prystaviŭ nož, pasprabavała vychapić jaho i parezała sabie ruki. Nažom była taksama paškodžanaja kurtka žančyny, — dadała Karanievič. — Pakinuty mužčyna, jaki vyjšaŭ „vyzvalać“ pałońnicu, paviedamiŭ napadnikam, što jany pamylilisia».

Žančyna, na jakuju napali, zajaviła pra heta ŭ milicyju.

Sud Kobrynskaha rajona 6 červienia pryznaŭ 32-hadovaha mužčynu vinavatym pa č. 1 art. 339 Kryminalnaha kodeksa (chulihanstva) i pryhavaryŭ da šaści miesiacaŭ aryštu. Sudovaja kalehija pa kryminalnych spravach Bresckaha abłasnoha suda 10 žniŭnia pakinuła vierdykt suda pieršaj instancyi bieź źmianieńnia.

0

0

0

0

0

0

Łarysa Šyhanava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH