Napiaredadni Ministerstva zamiežnych spraŭ Biełarusi zajaviła ab zakryćci biełaruskaha pasolstva ŭ Šviecyi i prapanavała šviedskaj boku adklikać svaich dypłamataŭ ź Minska. Partał TIO.BY vyrašyŭ vyśvietlić, jakim čynam zakryćcio dypłamatyčnych pradstaŭnictvaŭ paŭpłyvaje na turystyčny abmien pamiž dvuma krainami.
Płyń arhanizavanych turystaŭ ź Biełarusi ŭ Šviecyju navat z naciažkaj nielha nazvać istotnaj. Pa dadzienych aficyjnaj statystyki, u 2009 hodzie ŭ Šviecyi pabyvali ŭsiaho 417 biełarusaŭ, u 2010 i 2011 hadach — 747 i 392 turysta adpaviedna.Pa słovach Elviry Kim, kiraŭnika kampanii «Łacinsiervis», jakaja śpiecyjalizujecca na turach u krainy Bałtyi i Skandynavii, tolki ŭ Šviecyju biełaruskija turysty adpraŭlalisia davoli redka i hałoŭnym čynam pa indyvidualnaj prahramie.
Čaściej za ŭsio biełarusy naviedvajuć šviedskija horady ŭ ramkach kambinavanych aŭtobusnych abo paromnych kruizaŭ pa Bałtyjskich i Skandynaŭskich krainach. Startavaja kropka takich maršrutaŭ, jak praviła, — Ryha abo Talin. Pakolki znachodžańnie turystaŭ na terytoryi kožnaj krainy abmiažoŭvajecca adnym dniom, šenhienskuju vizu dla turystaŭ adkryvajuć u pasolstvach pa pryncypie krainy ŭjezdu, heta značyć Łatvii ci Estonii. Kali patrabavałasia adkryć vizu ŭ ambasadzie Šviecyi, prablem nie ŭźnikała. «Supracoŭniki konsulskaha adździeła byli nastrojeny vielmi łajalna i pryjazna, — adznačyła Elvira Kim. — Čerhaŭ nie było, vizy adkryvali chutka i admaŭlali vielmi redka. Kali nie chapała jakich-niebudź dakumientaŭ, supracoŭniki zaŭsiody spakojna tłumačyli i prasili adsutnyja papiery».
Da 30 žniŭnia pasolstva Šviecyi ŭ Minsku pracuje ŭ štatnym režymie, i pakul nieviadoma, jak biełarusy zmohuć adkryvać vizy paśla hetaj daty. Mahčyma, hetuju funkcyju voźmie na siabie pasolstva adnoj z krain Šenhienskaha pahadnieńnia, jakoje pracuje ŭ Minsku.Inšy mahčymy scenar — biełarusaŭ «prymacujuć» da dypłamatyčnych pradstaŭnictvaŭ u susiednich ź Biełaruśsiu krainach. Pasolstva Šviecyi adkrytaje ŭ Litvie, Polščy, Rasii (Maskvie i Sankt-Pieciarburhu) i Ukrainie. Nie vyklučana taksama, što biełaruskija apieratary, jakija arhanizoŭvajuć pajezdki ŭ Skandynaviju, buduć farmavać prahramy turaŭ takim čynam, kab maksimalnaja kolkaść dzion znachodžańnia prychodziłasia na krainy, ambasady jakich adkryty ŭ Minsku. Tak ci inakš, biełarusy naŭrad ci admoviacca ad pajezdak u Šviecyju.
Płyń arhanizavanych turystaŭ sa Šviecyi ŭ Biełaruś taksama nie daciahvaje navat da tysiačy. U 2011 hodzie Biełaruś naviedali 346 šviedaŭ, u 2010-m — 644, u 2009-m — 604. Adnak biełaruskaje pasolstva ŭ Stakholmie pa sumiaščalnictvie było akredytavana taksama ŭ Narviehii i Danii, a značyć, akramia šviedskich turystaŭ, Biełaruś ryzykuje stracić turystaŭ ź inšych Skandynaŭskich krain.Z 1 vieraśnia 2012 hoda mahčymaść atrymańnia viz va Upraŭleńni pa pytańniach ujezdu zamiežnikaŭ Hałoŭnaha konsulskaha ŭpraŭleńnia Ministerstva zamiežnych spraŭ u Nacyjanalnym aeraporcie «Minsk» zachavajecca tolki dla hramadzian zamiežnych dziaržaŭ, dzie niama dypłamatyčnych pradstaŭnictvaŭ abo konsulskich ustanoŭ Biełarusi. Heta značyć šviedy, roŭna jak i datčanie, i narviežcy, buduć mieć prava adkryć vizu pa prylocie. Miž tym, jak rastłumačyli ekśpierty pa ŭjaznomu turyzmu, bolšaść skandynavaŭ prylatajuć u Minsk rejsami z Maskvy, padčas prybyćcia jakich Upraŭleńnie pa pytańniach ŭjezdu zamiežnikaŭ nie pracuje i atrymać vizu, takim čynam, niemahčyma.
Akramia taho, adznačajuć ekśpierty, skandynavy zaŭsiody byli vielmi aściarožnymi i abačlivymi turystami. U šviedskich ŚMI tym časam źjaviłasia infarmacyja ab tym, što luby paddany Karaleŭstva Šviecyi moža apynucca zakładnikam na terytoryi Biełaruś.Tak što šviedskich turystaŭ u bližejšy čas čakać naŭrad ci varta, i kali situacyja narmalizujecca, pradkazać nie biarecca nichto. «Viartańnie dvuchbakovaha ŭzajemadziejańnia na raniejšy ŭzrovień niepasrednaha dypłamatyčnaj prysutnaści ŭ stalicach dźviuch krain mahčyma tolki ŭ vypadku, kali šviedski bok u dyjałohu ź Biełaruśsiu vierniecca da zachavańnia mižnarodna pryznanych pryncypaŭ uzajemapavahi, suvierennaj roŭnaści dziaržaŭ i sadziejničańnia raźvićciu družalubnych adnosin», — havorycca ŭ zajavie MZS Biełarusi , raźmieščanaj na aficyjnym sajcie viedamstva.
Varta taksama nahadać, što ŭ lutym 2012 biełaruskaje pradstaŭnictva łatvijskaj nacyjanalnaj avijakampanii airBaltic pry padtrymcy Nacyjanalnaha ahienctva pa turyźmie Biełarusi, Šviedska-biełaruskaj biźnies-asacyjacyi, pasolstvaŭ Biełarusi i Ukrainy arhanizavała ŭ Stakholmie prezientacyju turystyčnaha prajekta «Dźvie słavianskija siastry — Ukraina i Biełaruś». U ramkach mierapryjemstva byŭ pradstaŭleny taksama i Čempijanat śvietu pa chakiei 2014 hoda, jaki projdzie ŭ Minsku. Chakiej u Skandynavii źjaŭlajecca ci nie hałoŭnym vidam sportu, zbornyja kamandy Danii, Narviehii i Finlandyi składajuć elitny dyvizijon suśvietnaha chakieja, a zbornaja Šviecyi — vaśmirazovy čempijon śvietu.
Abvastreńnie dypłamatyčnych adnosin pahražaje abiarnucca poŭnym pravałam Čempijanatu śvietu pa chakiei ŭ Minsku jak u spartyŭnym, tak i ŭ turystyčnym płanie: na spabornictvy nie pryjeduć ni najmacniejšyja kamandy śvietu, ni ich addanyja zaŭziatary.
Dypłamatyčnyja adnosiny pamiž Biełaruśsiu i Šviecyjaj uskładnilisia paśla taho, jak u pačatku žniŭnia 2012 hoda biełaruskaje źniešniepalityčnaje viedamstva admoviłasia praciahvać akredytacyju pasła Šviecyi Stefana Eryksana. U adkaz Šviecyja zajaviła ab niemahčymaści dalejšaj pracy dziejnaha ambasadara Biełarusi i pra niežadańnie prymać novaha, a taksama vysłała z krainy dvuch starejšych supracoŭnikaŭ biełaruskaj dypłamatyčnaj misii. Biełaruskaje MZS u adkaz zajaviła pra zakryćcio ambasady ŭ Šviecyi i prapanavała šviedskamu boku začynić pasolstva ŭ Biełarusi da 30 žniŭnia 2012 hoda.
Dypłamatyčnyja adnosiny pamiž Biełaruśsiu i Šviecyjaj byli ŭstalavanyja 14 studzienia 1992 h. Biełaruskaje pasolstva ŭ Stakholmie było adkryta ŭ listapadzie 1999 hoda. Z studzienia 2005 hoda Nadzvyčajnym i Paŭnamocnym Pasłom Biełarusi ŭ Šviecyi pryznačany Andrej Hrynkievič. Akramia pasła, Biełaruś u Šviecyi pradstaŭlali čatyry dypłamaty.
Hanarovaje konsulstva Šviecyi było adkryta ŭ Minsku ŭ mai 2000 hoda. U listapadzie 2003 hoda ŭ stalicy Biełarusi źjaviłasia Adździaleńnie ŭ Minsku Pasolstva Šviecyi ŭ Maskvie pad kiraŭnictvam Stefana Eryksana, jaki ŭ vieraśni 2008 hoda ŭručyŭ davierčyja hramaty Alaksandru Łukašenku. U pasolstvie Šviecyi ŭ Minsku razam z pasłom pracavali piać dypłamataŭ i 9 miascovych supracoŭnikaŭ.
