Da pačatku navučalnaha hoda vydaviectva «Adukacyja i vychavańnie» pieravydała padručnik «Dapryzyŭnaja padrychtoŭka» dla 10—11 kłasaŭ. Aŭtar — pałkoŭnik u adstaŭcy Viačasłaŭ Varłamaŭ. Admysłova dla pieravydańnia byŭ dapisany parahraf «Supraćdziejańnie infarmacyjna-psichałahičnaj ahresii», u jakim aŭtar interpretuje padziei 19 śniežnia 2010-ha.
«Paciarpieŭšy poŭnaje paražeńnie na prezidenckich vybarach 19 śniežnia, niekatoryja eks-kandydaty ŭ prezidenty pasprabavali zachapić uładu hvałtoŭna.Zmova z dapamohaj zamiežnych śpiecsłužb i pry finansavaj padtrymcy niekatorych zachodnich struktur rychtavałasia zahadzia. Tolki začynilisia vybarčyja ŭčastki, jak internet-sajt «Chartyja-97» paśpiašaŭsia paviedamić karystalnikam uzrušajučuju viestku pra toje, što adzin z kandydataŭ u prezidenty zajaviŭ pra padzieńnie «režymu Łukašenki» i abviaściŭ pra stvareńnie «ŭrada narodnaha vyratavańnia». A ŭ hety čas «bajeviki» hramili dźviery i šyby Doma ŭrada».
A dalej Varłamaŭ kanstatuje, što «kontrprapahanda, jakuju pravodziać u Respublicy Biełaruś paśla pravalnaj zmovy pa źviaržeńni ŭłady», źjaŭlajecca «prykładam aktyŭnaha supraćdziejańnia infarmacyjnaj ahresii».
I ŭ jakaści ŭdałaha supraćdziejańnia nazyvaje pakaz filma «Płošča. Žalezam pa škle», u jakim «była pradstaŭlenaja ŭsia dynamika niaŭdałaha putču: płanavańnie zmovy, hrošy jeŭrapiejskich fondaŭ, zakliki iści na «płošču», aźviarełyja tvary padvypiŭšych małojcaŭ i bićcia škła». A taksama sieryju publikacyj u «Sovietskoj Biełoruśsii» pad zahałoŭkam «Za kulisami adnoj zmovy». Tuju samuju, dzie za śpis «urada nacyjanalnaha vyratavańnia» vydavaŭsia prajekt śpisa cieniavoha ŭrada, jaki zadoŭha da taho sprabavali stvaryć chryścijanskija demakraty.
Uzrovień aŭtara i padručnika krasamoŭna charaktaryzuje toj fakt, što ŭ padručniku cytujecca tak zvany «płan Dalesa pa razvale SSSR» 1945 hoda.Hetaja falšyŭka ŭpieršyniu była apublikavana... mitrapalitam Sankt-Pieciarburžskim Iaanam u haziecie «Sovietskaja Rośsija» 20 lutaha 1993. Mitrapalit spasyłaŭsia na hety płan, pobač z tak zvanymi «Pratakołami sijonskich mudracoŭ», u dokaz taho, što Zachad viadzie suprać Rasii «podłuju, brudnuju vajnu».
Mała taho, što hety dakumient byŭ sfabrykavany rasijska-savieckimi šavinistami, dyk jašče i biazdarna.U 1945 hodzie CRU jašče nie isnavała, jano było zasnavana ŭ 1947. A Dales staŭ jahonym kiraŭnikom u 1953. Voś tabie i ŭzrovień «kontrprapahandy».
A voś prykład infarmacyi pra inšy histaryčny pieryjad z hetaha ž padručnika: «Istorija donosit do nas śviedienija o hieroičieskoj oboronie połočanami svojej ziemli ot plemien hunnov i hotov».I tut ža, praz adzin skaz: «Viekami formirovałaś i šah za šahom vyrabatyvałaś sovriemiennaja idieołohija Biełarusi i modiel jeje socialno-ekonomičieskoho raźvitija».
Padručnik vyjšaŭ z hryfam Ministerstva adukacyi Biełarusi.Admietna, što aŭtar padručnika Viačasłaŭ Varłamaŭ naradziŭsia ŭ 1933-m u Syzrani (Rasija) i słužyŭ u Savieckaj Armii.
* * *
Doprizyvnaja podhotovka. Učiebnik dla 10—11 kłassov učrieždienij obŝieho sriednieho obrazovanija s russkim jazykom obučienija / 3-je izdanije, pieriesmotriennoje i dopołniennoje / Viačiesłav Varłamov. — Minsk: Adukacyja i vychavańnie, 2012. — 328 s.
* * *
Zamiest kamientara
Takoj bielibierdoj trambujuć hałovy školnikaŭ. Dy chaj by jašče łuchtoj. Faktyčna, takija pasažy vychoŭvajuć varožaść da krain Jeŭropy i ZŠA i da hramadzian Biełarusi inšych pohladaŭ. Adnačasova biełaruskaje padmianiajecca savieckim, što stvaraje pieradumovy dla źniknieńnia biełarusaŭ jak nacyi.
