ŁDP vyłučyła 107 kandydataŭ u deputaty 1

Libieralna-demakratyčnaja partyja vyłučyła 107 kandydataŭ u deputaty pałaty pradstaŭnikoŭ na vybary 23 vieraśnia. Jak paviedamili ŭ pres-słužbie partyi, vyłučeńnie adbyłosia 8 žniŭnia na XV pazačarhovym źjeździe.

Śpis patencyjalnych kandydataŭ ŁDP zaćvierdziła na źjeździe 7 lipienia. U hety śpis uvachodziła 110 čałaviek — pa adnym na kožnuju vybarčuju akruhu.

Na źjeździe, jaki prajšoŭ miesiac tamu, lidar ŁDP Siarhiej Hajdukievič zaklikaŭ partyjnych pretendentaŭ u kandydaty ŭ deputaty «pijaryć siabie i partyju». «Vy pavinny stać samymi viadomymi ludźmi ŭ rajonie», — padkreśliŭ jon.

«Libieralna-demakratyčnaja partyja nie moža nie iści na vybary z-za adnoj prostaj pryčyny: kolkasny skład partyi — bolš za 45 tysiač čałaviek, — zajaviŭ Hajdukievič. — My ŭsie 110 akruh zabivajem našymi kandydatami ŭ deputaty. Našy ludzi pryjduć, zarehistrujucca kandydatami ŭ deputaty i buduć pa poŭnaj prahramie hutaryć ź ludźmi. Bolš za 70% nasielnictva viedajuć, jak u nas u krainie prachodziać vybary, a paśla hetych vybaraŭ buduć viedać usie».

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH