Raniej Hołdryč byŭ dyrektaram ŭpraŭleńnia pa spravach Kaŭkaza i rehijanalnych kanfliktaŭ Biuro pa jeŭrapiejskich i jeŭrazijskich spravach Dziarždepartamienta ZŠA, paviedamlaje BiełaPAN. Majkł Skenłan pakinuŭ Minsk 25 lipienia ŭ suviazi z zakančeńniem terminu dypłamatyčnaj misii. Jon uznačalvaŭ pasolstva ź lipienia 2009 hoda.
Pasada ambasadara ZŠA ŭ Biełarusi zastajecca vakantnaj z sakavika 2008 hoda, paśla dypłamatyčnaha kanfliktu pamiž Minskam i Vašynhtonam.Padstavaj dla kanfliktu stała
ŭviadzieńnie ZŠA sankcyj u dačynieńni da kancerna «Biełnaftachim». Nieŭzabavie paśla hetaha pasoł Biełarusi ŭ ZŠA Michaił Chvastoŭ byŭ adklikany z Vašynhtona dla kansultacyj, a Minsk pa patrabavańni biełaruskaha boku pakinuła pasoł Karen Ściuart. Kolkaść amierykanskich dypłamataŭ u Biełarusi pa patrabavańni biełaruskaha boku była skaročana z 35 da 5 supracoŭnikaŭ.
Sankcyi ŭ dačynieńni da «Biełnaftachima» byli ŭviedzieny ZŠA ŭ suviazi z parušeńniami pravoŭ čałavieka ŭ Biełarusi.
