Alimpijada CHCHCH: Top biełaruskich nadziej i raskład 5

Tak vyhladajuć talismany Hulniaŭ-2012 T - dźvie kropli Venłak i Mandevil.

Siońnia ŭ Łondanie budzie aficyjna zapaleny Alimpijski ahoń, choć futbolny turnir startavaŭ zahadzia.

Łukašenku — jon nie tolki aficyjny kiraŭnik dziaržavy, ale i staršynia Nacyjanalnaha alimpijskaha kamiteta — na Hulni nie puścili, bo ŭvachodzić u «čorny śpis ES». Žartavali navat, što spartoŭcy ŭ znak salidarnaści zdymucca z Hulniaŭ. Napiaredadni adjezdu im była pastaŭlena zadača pryvieźci 25 miedaloŭ, u tym liku 5 załatych.

Chto moža pryvieźci alimpijskija miedali? Top-10 biełaruskich kandydataŭ, pavodle viersii NN, na ŭznaharody.

10. Futboł

U naš rejtynh chłopcy Hieorhija Kandraćjeva traplajuć avansam. Usio ž pieršy raz biełarusy voźmuć udzieł u takich spabornictvach, tamu ŭvaha budzie pavyšanaj. U kamandu možna było ŭziać troch starejšych chłopcaŭ. Kandraćjeŭ uziaŭ Drahuna, Bresana i Karnilenku, a voś Hleba — nie. Ale pačali ź pieramohi nad Novaj Ziełandyjaj (1:0).

Kali hladzieć:29 lipienia, 16:50, Brazilija — Biełaruś. 1 žniŭnia, 16:20, Biełaruś — Jehipiet.

9. Alim Sielimaŭ

Lezhin-baraćbit daŭno žyvie ŭ Biełarusi. Jon dvuchrazovy čempijon śvietu ŭ hreka-rymskim styli. Niekalki razoŭ Alim stanoŭča vykazvaŭsia pra biełaruskuju movu.

Kali hladzieć: 6 žniŭnia na praciahu dnia.

8. Alaksandra Hierasimienia

U płavańni budzie razyhrana až 34 kamplekty ŭznaharod. Praŭda, u bolšaści spabornictvaŭ biełarusy buduć zvyčajnymi statystami. Adzinaje vyklučeńnie — Hierasimienia. Alaksandra — pieršaja biełaruskaja pieramožca čempijanata śvietu.

Kali hladzieć: Finał na karoncy Hierasimieni «100 mietraŭ volnym stylem» adbudziecca viečaram 2 žniŭnia.

7. Mastackaja himnastyka

Tut u našych spadzievy — jak na indyvidualnaje majsterstva Lubovi Čarkašynaj i Mieliciny Staniuty, tak i na zbornuju. Bieź miedaloŭ u mastackaj himnastycy našy nie zastavalisia nikoli.

Kali hladzieć: Miedali ŭ hetym najpryhažejšym vidzie sportu buduć razyhranyja ŭ apošnija dni — 11 i 12 žniŭnia.

6. Siarhiej Martynaŭ

44-hadovy strałok pry-vučyŭ nas da svaich pośpiechaŭ. Jon bronzavy miedalist Alimpijad u Sidnei i Afinach. Mahčyma, nadyšoŭ čas dla bolšych viaršyń.

Kali hladzieć: 6 žniŭnia adbuducca spabornictvy ŭ stralbie z małakalibiernaj vintoŭki z troch pazicyj.

5. Nastaśsia Novikava

Ciažkaja atletyka zaŭsiody była našym vidam prahramy. A voś sioleta na miedal možna raźličvać chiba ad Nastaśsi Novikavaj. Žodzinskaja atletka padyšła da spabornictvaŭ u dobraj formie. Chiba jašče Rybakoŭ uzhadaje minułyja časy. A voś Andrej Aramnaŭ u apošni momant ad udziełu admoviŭsia praz traŭmu. Paśla «zołata» Piekina Andrej nijak nie moža vyjści ź ciomnaj pałasy ŭ žyćci na śvietłuju.

Kali hladzieć: Novikavu 30 lipienia. Pačatak, a 17:30.

4. Kaciaryna Karsten

Uradžency krupskaj vioski Asiečyna spoŭniłasia 40 hadoŭ. Jana bieź pierabolšvańnia lehienda ajčynnaha sportu. Pieršaja ŭładalnica załatoha miedala niezaležnaj Biełarusi, jašče ŭ Atłancie (1996). Ciapier Karsten nie takaja hroznaja, ale miedaloŭ ad jaje ŭsio adno čakajuć.

Kali hladzieć: Finał u adzinočcy žanočaha akademičnaha viesłavańnia adbudziecca 3 žniŭnia ranicaj.

3. Braty Bahdanovičy

Na minułaj Alimpijadzie my mieli dźvie załatyja ŭznaharody ŭ viesłavańni na bajdarkach i kanoe. Sioleta znoŭ čakańni źviazanyja z bratami Bahdanovičami — Alaksandram i Andrejem. Chłopcy rodam ź miastečka Jalizava (Asipovicki rajon).

Kali hladzieć: Kanoe-dvojka, finał, 9 žniŭnia, ranica.

2. Ivan Cichan i Nadzieja Astapčuk

U lohkaj atletycy asnoŭnyja nadziei na «ciažkija» vidy prahramy — kidańni i šturchańni. U žanočym jadry spadziajemsia na Nadzieju Astapčuk i Natallu Michnievič, u mužčynskim — na muža apošniaj Andreja Michnieviča. U žanočym mołacie krainu pradstavić — Aksana Miańkova, pieramožca minułaj Alimpijady. Taksama niemahčyma nie źviartać uvahu na Ivana Cichana ŭ kidańni mołata ŭ mužčyn.

Kali hladzieć: 3 žniŭnia: mužčynskaje šturchańnie jadra. 6 žniŭnia: žanočaje šturchańnie jadra. 5 žniŭnia: mužčynskaje kidańnie mołata. 10 žniŭnia: žanočaje kidańnie mołata. Spabornictvy buduć pačynacca paśla 20:00.

1. Viktoryja Azaranka i Maksim Mirny

Zavajavać miedal u tenisie budzie vielmi prestyžna. A nadziei na heta majucca. Azaranka na siońnia pieršaja rakietka śvietu. Dy i jaje para z Maksimam Mirnym pavinna pazmahacca za zapavietnyja ŭznaharody.

Kali hladzieć: Štodnia ad 27 lipienia da 5 žniŭnia.

* * *

Alimpijada-2012

Projdzie ad 27 lipienia da 12 žniŭnia ŭ Łondanie. Brytanskaja stalica prymaje takija spabornictvy ŭžo ŭ treci raz. Buduć razyhranyja 302 kamplekty ŭznaharod u 31 vidzie sportu. Biełaruskaj zbornaj zahadana zavajavać 25 uznaharod, choć na papiarednich Hulniach kolkaść miedaloŭ vahałasia ŭ dyjapazonie 15–19.

***

Talismanami spabornictvaŭ buduć dźvie kropli stali — Venłak i Mandevil. Pieršy nazvany ŭ honar horada Mač-Venłak, dzie adbyvalisia spabornictvy kštałtu alimpijskich. Druhi — u honar vioski Stok-Mandevil, dzie prajšli pieršyja na terytoryi Vielikabrytanii Paralimpijskija hulni. U abodvuch talismanaŭ pa adnym voku, jany nosiać rovarnyja šlemy, i na ich namalavanyja łahatypy Hulniaŭ.

0

0

0

0

0

0

Źmicier Pankaviec

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH