Polski kinarežysior, scenaryst i pradziusar Kšyštaf Zanusi praviadzie majstar-kłas dla ŭdzielnikaŭ Kanhresa katalickich ŚMI ŭ Hrodnie.24–26 žniŭnia ŭ budynku Vyšejšaj duchoŭnaj sieminaryi źbiarucca žurnalisty-katoliki, kab razam pahladzieć u budučyniu katalickich ŚMI i parazvažać ab prysutnaści Kaścioła va ŭsioj prastory mas-miedyja.
Kšyštaf Zanusi — adzin z samych viadomych polskich kinatvorcaŭ za miažoj. Jaho kino hłyboka aŭtarskaje — jon piša scenaryi, realizuje ich va ŭłaścivaj sabie formie, časta supracoŭničaje z adnymi i tymi ž akciorami. U 1984 hodzie Zanusi atrymaŭ «Załatoha lva» — hałoŭnuju ŭznaharodu Vieniecyjanskaha kinafiestyvalu. I heta daloka nie adzinaja ŭznaharoda za jaho tvorčuju dziejnaść.
Filmahrafija polskaha kinarežysiora naličvaje zvyš 20 poŭnamietražnych mastackich filmaŭ, kala 10 karotkamietražnych i kala 30 televizijnych filmaŭ.
Kšyštaf Zanusi nieadnarazova naviedvaŭ Biełaruś, u tym liku ŭ jakaści hanarovaha hościa Minskaha mižnarodnaha kinafiestyvalu «Listapad».
0
0
0
0
0
0
