Kampanija Jones Lang LaSalle, jakaja pracuje ŭ śfiery kiravańnia inviestycyjami, pradstaviła novy rejtynh prazrystaści rynkaŭ nieruchomaści. Biełaruś zaniała ŭ im 94 radok i trapiła ŭ śpis krain z najbolš nieprazrystym rynkam, apynuŭšysia ŭ kampanii takich dziaržavaŭ, jak Sudan, Nihieryja, Anhoła, Pakistan, Irak, Hana, Vieniesueła i Manholija. Usiaho daśledčyki achapili 97 krain na ŭsich kantynientach.
Rejtynh, upieršyniu apublikavany ŭ 1999 hodzie, składajecca na asnovie sukupnaści kolkasnych rynkavych dadzienych i infarmacyi, sabranaj šlacham apytańnia mižnarodnaj
Dla inviestaraŭ indeks słužyć instrumientam kiravańnia ryzykami, dazvalaje bolš efiektyŭna aceńvać umovy ekspłuatacyi nieruchomaści ŭ roznych krainach śvietu, adznačajecca na sajcie Jones Lang LaSalle.
Samym prazrystym rynkam nieruchomaści ŭ 2012 hodzie stali ZŠA, za imi ź nievialikim adryvam iduć Vialikabrytanija i Aŭstralija, adznačajecca ŭ dakładzie. U katehoryju z vysokaj prazrystaściu ŭvachodziać taksama Niderłandy, Novaja Ziełandyja, Kanada, Francyja, Finlandyja, Šviecyja i Šviejcaryja.
«Vyniki daśledavańnia za 2012 śviedčać, što adnaviŭsia praces pavyšeńnia prazrystaści rynkaŭ nieruchomaści paśla zapavoleńnia, što nazirałasia padčas finansavaha kryzisu 2008–2009 hadoŭ», — havorycca ŭ dakładzie.