Adny śpiecyjalisty padalisia na zarobki ŭ susiednija krainy, inšyja pierakinułasia da bolš bahatych zabudoŭščykaŭ. Jak vynik — adstavańnie ad hrafikaŭ zdačy mnostva abjektaŭ, u tym liku žyłych damoŭ. Niahledziačy na zajavy pra blizkaje bankructva, praciahvaje z apošnich sił ciahnuć svaju «lamku» hałoŭny zabudoŭščyk Minska MAPID. Jak piša hazieta «Na budoŭlach Minska», ludziej u kalektyvie sprabujuć utrymać zarobkam, vyšejšym za siaredni pa horadzie, i mahčymaściu vyrašyć žyllovaje pytańnie za niekalki hadoŭ.
U pryvatnaści, pieršy namieśnik hiendyrektara AAT Viačasłaŭ Turaŭ paviedamiŭ, što siaredniaja zarpłata ŭ MAPID sioleta pavyšałasia trojčy i składaje 4,8 młn rubloŭ. Ź jaho słovaŭ, heta vyšej, čym u siarednim pa horadzie i ŭ DVA «Minskbud», u skład jakoha ŭvachodzić MAPID.
Kvatery na pradpryjemstvie budujuć tyja, chto staŭ u čarhu ŭ 2004–2007 hadach, zapeŭniŭ Viačasłaŭ Turaŭ, u toj čas jak u ahulnaharadskoj čarzie čakajuć žylla dziesiacihodździami. U 2011 hodzie navasielle adznačyli 295 «mapidaŭskich» siemjaŭ.
