Jašče dva pakiety dakumientaŭ na rehistracyju inicyjatyŭnych hrup pastupili ŭ Połackuju akruhovuju vybarčuju kamisiju.Adna z hrup vyłučaje ŭ jakaści kandydata na vybary palitviaźnia Mikałaja Statkieviča. U jaje skład uvachodzić 114 čałaviek, siarod ich niama ni adnaho pałačanina. Vyłučeńnie prachodzić u ramkach kampanii pa pryciahnieńniu ŭvahi da prablemy palitviaźniaŭ u Biełarusi.
Kandydatam u deputaty vykazaŭ žadańnie stać i były pałačanin, a ciapier žychar Mienska, viadučy palityčnych prahram na ANT Alaksiej Michalčanka. U skład jaho hrupy ŭvachodziać 16 čałaviek.
Za kansultacyjaj ŭ akruhovuju kamisiju z nahody padačy dakumientaŭ na rehistracyju inicyjatyŭnaj hrupy źviartaŭsia taksama žychar Połacka, viadomy kalekcyjanier, stvaralnik pryvatnaha muzieja Lenina Mikałaj Pankrat.
Razhlad dakumientaŭ na rehistracyju inicyjatyŭnych hrup pavinien prajści ŭ čaćvier.
0
0
0
0
0
0
