Kasiu Halickuju buduć sudzić 18 lipienia 1

Praces nad pravaabaroncaj Kasiaj Halickaj projdzie ŭ sudzie Maskoŭskaha rajona Minska 18 lipienia. Pra heta BiełaPAN paviedamiła jaje kaleha Anastasija Łojka.

Pavodle jaje słoŭ, Halickuju z suda Maskoŭskaha rajona dastavili ŭ rajonnaje UUS. «Siońnia jaje asudzić nie paśpieli, sud adbudziecca zaŭtra», — skazała Łojka.

Jana ličyć, što noč Halickaja praviadzie ŭ Centry izalacyi pravaparušalnikaŭ HUUS Minharvykankama. «Pa-pieršaje, jaje nie adpuścili ŭ sudzie. Pa-druhoje, joj nie pryznačyli čas sudu, što aznačaje, što ŭ sud jaje dastaviać. I pa-treciaje, nie zatym jaje zatrymlivali, kab adpuścić», — zajaviła Łojka.

Nahadajem, ranicaj 17 lipienia

Halickaja pryjechała ŭ sud Kastryčnickaha rajona Minska, jaki znachodzicca ŭ Domie pravasudździa, dla nazirańnia za pracesami nad zatrymanymi aktyvistami mižnarodnaj arhanizacyi «Małady front» (Čechija) Uładzimir Jaromienka i Ramanam Vasiljevym. Prykładna praz hadzinu jana adtul źnikła.

Jaje telefon nie adkazvaŭ, dzie jana znachodziłasia, viadoma nie było.

Paźniej vyśvietliłasia, što

Halickaja była dastaŭlena ŭ UUS Maskoŭskaha rajona Minska, dzie ŭ jaje dačynieńni da skłali administracyjny pratakoł za drobnaje chulihanstva.

Pierad źniknieńniem

Halickaja paviedamiła BiełaPAN, što joj i zatrymanym aktyvistam napiaredadni telefanavali supracoŭniki milicyi z prapanovaj «pahavaryć», adnak maładyja ludzi mieć znosiny ź milicyjaj admovilisia.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH