Na telekanale «Biełaruś-2» buduć pakazvać tolki Alimpijadu — i bolš ničoha 4

Pra heta ŭ intervju Goals.by skazaŭ namieśnik dyrektara hałoŭnaj dyrekcyi spartyŭnaha viaščańnia Biełteleradyjokampanii Alaksandr Kaziukievič.

U Łondan jedzie 24 čałavieki: inžyniery, apieratary, režysiory, žurnalisty, kamientatary i viadučyja dziońnikaŭ. Mienavita hety kalektyŭ i budzie zabiaśpiečvać viaščańnie alimpijskaha telekanała z 27 lipienia.

Na «Biełaruś-2» nie budzie ničoha akramia prahnozu nadvorja i łatarej. A pieršyja tranślacyi z Alimpijady vyjduć i taho raniej.

26 čysła my pakažam start futbolnaha turniru. Na telekanale «Biełaruś-2» budziem tranślavać matč Ispanija — Japonija. A na «Pieršym» — matč našaj alimpijki. Naohuł, usie matčy našaj zbornaj, plus čverćfinał, paŭfinał i finał buduć pakazany na kanale «Biełauruś-1».

(…) Dva hady tamu milhanuła dumka: «A čamu b nie zrabić taki kanał?» Pahladzieli, praličyli. Akazałasia, mahčyma. Tym bolš poŭnaje daminavańnie sportu na kanale ŭ nas praskokvała jašče padčas Hulniaŭ u Piekinie i Vankuviery. Tady, praŭda, my skakali pa kanałach — ź Pieršaha na «Ład». Ciapier ža ŭsio sabrali razam. Nijakich piarečańniaŭ nie było. Suprać alimpijskich tranślacyj na svaim kanale nichto nie budzie.

— A što budzie z tymi pieradačami, jakija iduć zaraz?

— U adpačynak sychodziać. Tym bolš, mnohija prajekty ŭletku ŭsio roŭna vychodziać u režymie dajdžestaŭ….