Abamu prymusili pryludna pacałavacca — fotafakt 8

Pacałunak na vialikim ekranie

Za siekundu da pacałunka. Mišel i Barak Abama pabačyli, što ich złaviła kamiera.

Zbornaja ZŠA pa baskietbole, u ramkach padrychtoŭčaha zboru da Alimpijskich hulniaŭ, pieramahła ŭ tavaryskim matčy Braziliju — 80:69. Samym vynikovym hulcom matču staŭ forvard amierykancaŭ Lebron Džejms (30 ačkoŭ), piša hazieta.ru.

Zrešty, uvaha bolšaści hledačoŭ była prykavana nie da Lebrona Džejmsa, Kobi Brajanta dy inšych miehazorak baskietboła. Ich usich zasłaniŭ prezident ZŠA Barak Abama. Hulniu, jakaja prajšła ŭ Vašynhtonie, jon naviedaŭ razam z žonkaj Mišel, jakaja ŭznačalić delehacyju ZŠA na cyrymonii adkryćcia Alimpijady-2012, dačkoj Malijaj i vice-prezidentam Džo Bajdenam.

Apafieozam viečara staŭ pacałunak prezidenta sa svajoj žonkaj pad kryk trybun, jakija nazirali za tym, što adbyvajecca dziakujučy Kiss Cam

[kali ŭ pierapynku matča, kab pazabavić hledačoŭ, kamiera navodzicca zvyčajna na mužčynu i žančynu, časam nieznajomych, što siadziać poruč — i jany pavinny pacałavacca. Takoje praktykujecca, naprykład, na Minsk-Arenie, padčas hulniaŭ KCHŁ].

***

Darečy zbornaja ZŠA pa baskietbole zhulaje na Alimpijskich hulniach [baskietbolny turnir startuje 29 lipienia] u adnoj hrupie z našymi susiedziami — kamandaj Litvy.

Matč pamiž kamandami Litvy i ZŠA projdzie 4 žniŭnia. Taksama ŭ hetaj hrupie zhulajuć zbornyja Francyi, Arhienciny, Tunisa i Nihieryi. U hrupie V buduć hulać kamandy Ispanii, Aŭstralii, Brazilii, Kitaja, Vialikabrytanii i Rasii.

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH