Nočču na MKAD adbyłasia avaryja ź ciažkimi nastupstvami. Na raźviazcy kalcavoj darohi z vuł. Cimirazieva sutyknulisia Mazda 626 i Subaru Tribeca. U pieršym aŭtamabili zacisnuła žančynu-kiroŭca, jaje vyzvalali vyratavalniki, paviedamili ŭ MNS. Pa słovach udzielnika forumu Onliner.by, jaki raźmiaściŭ fatahrafii ź miesca zdareńnia, aŭtamabil taksi urezaŭsia ŭ krasovier, jaki stajaŭ.
Pa dadzienych vyratavalnikaŭ, paviedamleńnie ab DTZ pastupiła kala 1.20. Za rulom Mazda znachodziłasia žančyna (1982 h. n.). Jana i apynułasia zacisnutaj u sałonie aŭtamabila. Jaje ŭdałosia vyzvalić tolki ŭ 1.45.
Supracoŭniki MNS pieradali paciarpiełuju lekaram «chutkaj». Z papiarednim dyjahnazam «pierałomy noh i ruki» jana była dastaŭlenaja ŭ balnicu. Na sajcie MNS adznačajecca, što kiroŭca, mahčyma, była ŭ niećviarozym stanie. Pryčyny DTZ vyśviatlajucca.