Harodnina za dziesiać dzion padaražeła na 30-40%

Na 0,7% vyraśli spažyvieckija ceny ŭ Biełarusi z 1 pa 10 lipienia. «U suviazi z pastupleńniem u prodaž płodaaharodninaj pradukcyi ŭradžaju hetaha hoda» bulba padaražeła na 42,6%, buraki — na 36,7%, morkva — na 33,3%, cybula repčataja — na 27,2%, jabłyki — na 11,8%.

Akramia taho, rost cen z pačatkam miesiaca adznačany na chleb i chlebabułačnyja vyraby (5,2%), suchija małočnyja sumiesi dla dziciačaha i dyjetyčnaha charčavańnia (2,1%), paŭfabrykaty ź miasa ptuški (1,7%), piva (1,5%), rybu žyvuju (1,4%), marharyn (1,3%), syr płaŭleny, małako zhuščanaje z cukram, muku pšaničnuju, krupy mannyja, aŭsianyja šmatki «Hierkules», pierniki, harełku (0,8–1,2%), sintetyčnyja myjnyja srodki (1%), sanatorna-azdaraŭlenčyja pasłuhi (10,8%), pasłuhi čyhunačnaha transpartu mižnarodnych znosinaŭ (3,4%), bytavyja pasłuhi (1,8%), pasłuhi vyšejšaj adukacyi (1,1%).

Patańnieła kapusta biełakačannaja — na 5,9%, krupy hreckija — na 1,3%, jajki kurynyja — na 1,2%, ryba marožanaja (traskovyja, skumbryjevyja) — na 0,2%, śvinina (akramia bieskaściavoha miasa) i prosa — na 0,1%.

Za studzień-červień ceny vyraśli na 10,5%, z ulikam 10 dzion lipienia — na 11,3%. Pa vynikach hoda ŭrad raźličvaje ŭtrymać inflacyju ŭ miežach 19–22%.

U 2011 hodzie spažyvieckija ceny pavialičylisia na 108,7%.

Dźmitryj Ułasaŭ, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH