13 lipienia strajkavali rabočyja, jakija pracujuć na pradpryjemstvie «Hrodnažyłbud». Jany niezadavolenyja nizkimi zarobkami. Kiraŭnictva pradpryjemstva paabiacała pavysić apłatu.
Za situacyjaj u budaŭničaj halinie Hrodna naziraŭ udzielnik niezaležnaha prafsajuznaha ruchu Anatol Chaćko. Da jaho źviartalisia rabočyja «Hrodnažyłbuda», jakich nie zadavalniaŭ zarobak na budoŭli. Adnak ich nie adpuskali z pracy, pakolki ŭsie majuć kantrakty.
Chaćko: «A zaklučyŭšy kantrakt, ty nie možaš skasavać, ty ž u rabstvie ŭ adnabakovym paradku. Tamu šukali roznyja varyjanty. Mnohija išli na prahuły i źjaždžali».
Meta — praca pa śpiecyjalnaści.Tynkoŭščyk-adździełačnik u Rasii moža zarabić da dźviuch zpałovaj-troch tysiač dalaraŭ, kaža Anatol Chaćko.
U Hrodnie ŭ piatnic strajkavali rabočyja, jakija pracujuć na pradpryjemstvie ŭ cechach.
Chaćko: «Jany vypuskajuć toje, z čaho budujuć damy. „Žyłbud“ buduje zvyčajna panelnyja damy.
Kali jany nazyvajuć zarobki da dvuch miljonaŭ rubloŭ, chutčej za ŭsio, tam, jak i paŭsiul, trymali nizkija staŭki i akłady, a davali premijalnyja. Ciapier abjomy ŭpali. Za što premijavać? Režuć premii.Ciapier jany pačali realna budavać, kolki jany mohuć, a vytvorčaść — vypuskać stolki, kolki realna pavinny — pa normach. Adrazu ŭpali zarobki».
Anatol Chaćko kaža pra tych, chto navažyŭsia strajkavać: «Ludzi pačynajuć razumieć: a što budzie vosieńniu? U ich ža ciapier samy pik pracy i zarobkaŭ pavinien być».
