Jaho buduć praviarać na datyčnaść da incydenta ź miadźviedzikami.
Siońnia ŭdzień da studenta BDU Antona Surapina pryjšli supracoŭniki KDB. Ich cikaviła raźmiaščeńnie na sajcie bnp.by zdymkaŭ miadźviedzikaŭ, jakich kidali z samalota šviedy. Mienavita na hetym resursie 4 lipienia byli ŭpieršyniu apublikavanyja zdymki «šviedskich miadźviedzikaŭ».
Paśla pieratrusu Antona zabrali z saboj. Doŭha siabry i rodnyja nie mahli daznacca, što z Surapinym. Tolki viečaram śledčy patelefanavaŭ maci chłopca. Było skazana, što Surapin zatrymany na troje sutak. Budzie vyśviatlacca datyčnaść studenta da miadźviedziaŭ.
Raniej švied-arhanizatar miedźviedziroŭki zajaviŭ u intervju «Našaj Nivie», što jany śviadoma nie pryciahvali biełarusaŭ da svajoj akcyi, kab nie padstaŭlać ich pad udar. Nahadajem, što hrupa šviedaŭ prylacieła na samalocie nad Minsk i skinuła plušavych miadźviedzikaŭ z zaklikami da svabody słova.