Biełaruskija śpiecsłužby nie sprabavali źviazacca z Peram Kromviełam, arhanizataram akcyi z vykidvańniem z samalota nad Biełaruśsiu plušavych cacak 4 lipienia, i nie «cisnuli» na jaho.
Ab hetym zasnavalnik šviedskaj
«Nijakaja śpiecsłužba sa mnoj nie kantaktavała», — skazaŭ Kromvieł.
U chodzie znosin u internecie jamu było zadadziena niekalki dziasiatkaŭ pytańniaŭ, u tym liku ab reakcyi Litvy i NATO na niezakonnaje pierasiačeńnie miažy dziaržavy — člena Paŭnočnaatłantyčnaha aljansu, na čym nastojvajuć šviedskija arhanizatar i vykanaŭcy akcyi pa padtrymcy svabody słova ŭ Biełarusi.
Na pytańnie «Jak vy budziecie raźbiracca z pradstaŭnikami „nataŭskaj vajenščyny“, vy ž im taksama imidž padpsavali?» Kromvieł adkazaŭ: «Kali jany majuć namier zachavać hetuju miažu zakrytaj, to pavinny trymać siabie ŭ formie. U nas nie było metaj vyśmiejvać NATO. Adnak heta słužyć napaminam ab tym, što nijakaja siła — vajennaja abo dziaržaŭnaja — nie źjaŭlajecca nastolki mocnaj, jak choča stvaryć uražańnie».
Pavodle słoŭ Kromvieła, jon nie čakaje, što pradstaŭniki NATO zapatrabujuć dla jaho niejkich sankcyj. «Ale kali jany pasprabujuć prymać niejkija sankcyi, my raźbiaromsia z hetym. Na siońnia z nami nichto nie kantaktavaŭ», — skazaŭ jon.
Arhanizatar akcyi, jaki zdymaŭ u Iviancy samalot, što raskidvaŭ plušavych miadźviedziaŭ z zapiskami, hatovy dakazać svajo znachodžańnie ŭ Biełarusi najaŭnaściu biełaruskaj vizy i biletam na samalot Minsk — Stakholm, jakim jon palacieŭ u Šviecyju ranicaj 4 lipienia ŭ 8.50. Pavodle jaho słoŭ, heta byŭ rejs V2855.
Kromvieł taksama zajaviŭ, što na videa, źniatym z samalota padčas palotu nad Iviancom, bačna jaho biełaja mašyna, pryparkavanaja kala carkvy.
Jon paviedamiŭ, što najbližejšym časam budzie novaje videa — palotu nad Minskam, jakoje było źniataje GoPro kamieraj, ustanoŭlenaj pad dniščam samalota. Ciapier jano apracoŭvajecca.
U Kromvieła nie akazałasia dokazaŭ taho, što samalot startavaŭ z aeraporta Pociunai na terytoryi Litvy. Pavodle jaho słoŭ, nijakich adznak ab pryjomie borta ŭ hetym aeraporcie ekipaž nie atrymlivaŭ, «tamu što heta maleńki aeraport biez usialakaj rehistracyi z travianym polem».
