Biełaruskija tenisisty Viktoryja Azaranka i Maksim Mirny zaviaršyli vystupleńni ŭ spabornictvach źmiešanych par Uimbdonskaha turniru, paviedamlaje karespandent BIEŁTA.
U matčy 3-ha raŭnda biełaruski duet sastupiŭ indyjska-rasijskamu tandemu Leander Pajes/Alena Vieśnina.U pieršym raŭndzie biełaruskaja para ŭziała vierch nad šviedami Sofijaj Arvidsan i Robiertam Lindstetam, a zatym vyjhrała ŭ italjanskaha dueta Sara Erani/Fabia Fańjini.
Raniej Viktoryja Azaranka, jakaja zajmaje 2-je miesca ŭ suśvietnym rejtynhu, nie zmahła prabicca ŭ finał adzinočnaha razradu, prajhraŭšy amierykanskaj tenisistcy Sierenie Uiljams (6) - 3:6, 6:7. Na šlachu da paŭfinału Viktoryja Azaranka vyjhrała ŭ amierykanki Iryny Falkoni (78), šviejcarki Raminy Aprandzi (87), sierbki Any Ivanavič (14) i aŭstryjki Tamiry Pažek (37).
Lepšaja biełaruskaja tenisistka druhi hod zapar dabirajecca da paŭfinalnaj stadyi Uimbłdona.
U finale Sierena Uiljams sustreniecca z polskaj tenisistkaj Ahnieškaj Radvańskaj (3).
Maksim Mirny akramia mikstu hulaŭ u mužčynskim parnym razradzie, dzie razam z kanadcam Danielem Niestaram vybyŭ paśla matču 2-ha raŭnda, ustupiŭšy internacyjanalnamu tandemu Daniele Bračyjali (Italija)/Džulijan Noŭł (Aŭstryja).
Uimbłdonski turnir, jaki pravodzicca 126-y raz, zavieršycca 8 lipienia.
