Prapanujem ahlad cenaŭ na najbolš zapatrabavanyja pasłuhi ŭ šerahu klinik.
Kansultacyja
Pachod da stamatołaha pačynajecca z kansultacyi. Samaja tannaja hetaja pasłuha ŭ Minskaj abłasnoj paliklinicy — ad 15 tysiač rubloŭ. U «Ekamiedservisie» ahlad i rekamiendacyi kaštujuć 75 tysiač.
Čystka kamianioŭ
Ahulnaja hihijena — čystka ad kamianioŭ, paliroŭka, nakładańnie ftorłaku — niatannaja pasłuha.U abłasnoj paliklinicy za absłuhoŭvańnie adnaho zuba daviadziecca zapłacić ad 7 tysiač rubloŭ, u «Ekamiedservisie» — da 35 tysiač za zub. Pačyścić usie zuby ŭ 9-j stamatałahičnaj paliklinicy nie našmat tańniej, čym u pryvatnaj klinicy «Łade» — kala 630 tysiač suprać 680. U «Biełym nasarohu» — pryblizna, jak u abłasnoj paliklinicy — ad 240 tysiač za ŭvieś rot.
Karyjes
Zalačyć karyjes tańniej za ŭsio ŭ abłasnoj paliklinicy — ad 100 tysiač rubloŭ, na druhim miescy pa dastupnaści cenaŭ mieścicca «Bieły nasaroh» — 160—180 tysiač. U «Ekamiedservisie» lačeńnie karyjesu abydziecca ŭ 250—410 tysiač.
Kanały
Lačyć kanały tańniej u dziaržaŭnych paliklinikach: u abłasnoj pasłuha kaštuje ad 230 tysiač za 1-kanalny zub, ad 280 za 2-kanalny i ad 340 za 3-kanalny. U «Ekamiedservisie» i «Łade» za adzin zalečany kanał biaruć pa 220 i 250 tysiač adpaviedna.
Karonki
Samyja tannyja mietała-kieramičnyja karonki ŭ abłasnoj paliklinicy i «Biełym nasarohu» — ad 380 i 450 tysiač adpaviedna. U «Łade» i «Ekamiedservisie» takija karonki kaštujuć bolš za miljon.
Impłantacyja
Dentalnaja impłantacyja — adna z samych darahich apieracyj u stamatałahičnaj chirurhii. Dziaržaŭnyja palikliniki prapanujuć hetuju pasłuhu za 3,5—4 miljony rubloŭ. U pryvatnikaŭ jana siahaje za 6 miljonaŭ.
Vydaleńnie
I adna z samych niepryjemnych pracedur — vydaleńnie zuba. U zaležnaści ad składanaści apieracyi jana kaštuje ad 150 tysiač (9-ja paliklinika) da 600 tysiač («Łade»).
Ad čaho zaležyć
Varta pamiatać, što kančatkovaja cana pasłuhi moža istotna adroźnivacca ad toj, jakuju vam paviedamili pa telefonie ci jakuju vy pabačyli na sajcie stamatałahičnaj kliniki.Cana zaležyć ad stanu vašych zuboŭ i adpaviedna ad składanaści lačeńnia. A taksama ad materyjałaŭ i lekaŭ, jakija vam prapanuje stamatołah.
Akramia taho, vysokaja cana ŭ pryvatnych paliklinikach apraŭdanaja lepšymi ŭmovami i vyšejšym uzroŭniem ab-słuhoŭvańnia. Choć dziela spraviadlivaści varta adznačyć, što dziaržaŭnyja kliniki starajucca nie adstavać ad pryvatnikaŭ. Naprykład, u 9-j paliklinicy pacyjentaŭ lečać u kabinietach, raźličanych na adnaho chvoraha.
