23 červienia na pašyranym sojmie z udziełam patencyjnych kandydataŭ u deputaty pałaty pradstaŭnikoŭ Partyja BNF razhledzieła pytańnie ab vybarach 2012 hodu ŭ Biełarusi.
Na sojmie pryniataje rašeńnie ab sklikańni źjezdu, jaki maje vyłučyć kandydataŭ ad partyi na parłamienckija vybary.Taksama na sojmie vyłučany pradstaŭniki Partyi BNF u akruhovyja vybarčyja kamisii i ŭ naziralniki ŭ Centravybarkam.
Sojm prachodziŭ u Minsku za začynienymi ad žurnalistaŭ dźviaryma.
Vyrašana, što niečarhovy źjezd Partyi BNF źbiarecca 4 žniŭnia dziela vyłučeńnia kandydataŭ u deputaty. Sojm pahadziŭsia, što niama padstavaŭ dla taho, kab pierahladać papiaredniaje rašeńnie ab vyłučeńni i źniaćci kandydataŭ u deputaty ad Partyi BNF. U vypadku niejkich istotnych źmienaŭ situacyi źjezd 4 žniŭnia moža pryniać kančatkovaje rašeńnie. Pra heta paviedamiŭ karespandentu «Svabody» staršynia Partyi BNF Alaksiej Janukievič.
«Samaja vialikaja dyskusija była pa farmatu ŭdziełu ŭ vybarčaj kampanii. Pa vynikach dyskusii, u jakoj uziali ŭdzieł jak siabry sojmu, tak i patencyjnyja kandydaty ŭ deputaty, było vyrašana, što
na siońniašni momant niama padstavaŭ pierahladać papiaredniaje rašeńnie ab tym, što my vyłučajem kandydataŭ i zdymajem ich pierad pačatkam daterminovaha hałasavańnia.Našy acenki zakładzienyja ŭ rašeńni, jakoje prymałasia ŭ studzieni. Heta najaŭnaść palitviaźniaŭ i nieŭklučeńnie našych vyłučencaŭ u skład vybarčych kamisij».
Partyja BNF užo maje 38 svaich patencyjnych kandydataŭ u deputaty, jakija paćvierdzili svajo žadańnie bałatavacca. Jašče siamiora siabroŭ partyi mohuć schilicca da hetaha.Tamu spadar Janukievič miarkuje, što da niečarhovaha źjezdu hetaja ličba źmienicca. Sam jon płanuje vyłučacca pa
Spadar Janukievič adznačaje, što ŭžo siońnia možna kazać, što hetaja vybarčaja kampanija nie budzie demakratyčnaj, svabodnaj i spraviadlivaj, jana budzie mocna abmiežavanaj. Jak stavicca Partyja BNF da abvieščanaha niekatorymi partyjami bajkotu vybaraŭ? Pavodle spadara Janukieviča, siońnia pazicyja amal adnadušna paćvierdžanaja:
«Bajkot — heta samaja horšaja taktyka, jakaja moža być u ciapierašniaj situacyi. Schilacca da bajkotu ci havaryć pra bajkot — heta paprostu brać paŭzu ŭ svajoj palityčnaj dziejnaści da momantu zakančeńnia vybarčaj kampanii.My jakraz nie bačym sensu i ličym, što čas zručny dziela taho, kab papracavać z hramadstvam, skarystać dadatkovyja mahčymaści. A mahčymaści dla bajkotu nie było i na siońnia vyhladaje, što jak palityčnaja dziejnaść — heta tupik».
Na sojmie vyznačałasia pieradvybarčaja płatforma partyi na bližejšyja vybary. Jury Čavusaŭ miarkuje, što dyskusija pa hetym pytańni hetym sojmam nie skončycca:
«Aproč prahramnych pałažeńniaŭ Partyi BNF u pieradvybarčaj płatformie, biezumoŭna, buduć pytańni, jakija źjaŭlajucca hruntam dla acenki hetych vybaraŭ. Heta pytańnie vyzvaleńnia palitviaźniaŭ, u tym liku heta aburalnaja sytuacyja z hrodzienskim žurnalistam Pačobutam, heta pytańnie dopusku pradstaŭnikoŭ apazicyi va ŭčastkovyja vybarčyja kamisii».
Čamu sojm byŭ začynienym dla žurnalistaŭ? Ryhor Kastusioŭ patłumačyŭ: «Sprečki byli surjoznyja.
Biez žurnalistaŭ mnohija siabry sojmu vykazvalisia bolš śmieła».
