Žančyny zrabili zaŭvahu chłopcu, a toj ich źbiŭ 14

Kastryčnickim rajonnym adździełam Minska Śledčaha kamiteta 16 červienia raspačata sprava za złosnaje chulihanstva na padstavie častki 2 artykuła 339 Kryminalnaha kodeksa ŭ dačynieńni da 19-hadovaha žychara Stoŭbcaŭ, navučenca Minskaha dziaržaŭnaha kaledža elektroniki.

Małady čałaviek na pasadačnaj płatformie p.p. Instytut kultury, źbiŭ 61-hadovuju piensijanierku ź Niaśviža i 36-hadovuju žycharku haradskoha pasiołka Haradzieja, pryčyniŭšy abodvum lohkija cialesnyja paškodžańni. Jon byŭ pjany.

Vyśvietliłasia, što žančyny zrabili maładomu čałavieku zaŭvahu: jon niekulturna siabie pavodziŭ, demanstratyŭna zaploŭvajučy płatformu.

Pačuŭšy ŭ svoj adras paproki, chłopiec pačaŭ źbivać žančyn. Chulihanskija vychadki navučenca spyniŭ patrulny narad, jaki prybyŭ na miesca zdareńnia.

Ciapier padśledny znachodzicca ŭ izalatary časovaha ŭtrymańnia. Jamu pahražaje pakarańnie terminam da šaści hadoŭ.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH