18.06.2012
/ 12:58 / Ałharytmičny łacinski varyjant
Vyjechaŭ na pierajezd: siem ciahnikoŭ vybilisia z hrafiku ŭ vyniku DTZ u Minskim rajonie
20-hadovy student narabiŭ biady ŭ Ratamcy.
Ranicaj 16 červienia ŭ pasiołku Ratamka 20-hadovy navučeniec kaledža (pavodle papiarednich acenak, byŭ u ćviarozym stanie), kirujučy aŭtamašynaj «Folksvahien Multyven», vyjechaŭ na zabaronny sihnał śviatłafora na nieachoŭny čyhunačny pierajezd, abstalavany spraŭnaj śvietłavoj i hukavoj sihnalizacyjaj, dzie sutyknuŭsia z dyziel-ciahnikom № 7135 Minsk — Hudahaj.
U vyniku sutyknieńnia pasažyrka aŭtamabila — 20-hadovaja adnakurśnica vadziciela, atrymała traŭmy i była dastaŭlenaja ŭ balnicu z dyjahnazam: udar hałaŭnoha mozhu, pierałom nosa.
Łakamatyŭ i aŭtamašyna atrymali miechaničnyja paškodžańni.
Zatrymka ruchu dyziel-ciahnika № 7135 Minsk — Hudahaj skłała 33 chviliny, elektraciahnika № 6104 Maładziečna — Minsk — 1 hadzinu 17 chvilin, elektraciahnika № 7004 Biełaruś — Minsk — 1 hadzina 15 chvilin, ciahnika № 6108 Maładziečna — Minsk — 1 hadzinu, elektraciahnika № 7009 Minsk — Biełaruś — 44 chviliny, elektraciahnika № 7006 Biełaruś — Minsk — 42 chviliny, ciahnika № 6110 Maładziečna — Minsk — 33 chviliny.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH