U piatnicu, 8 červienia, u Minsku adkryvajecca novy handlovy centr «Pasaž». Jon budzie znachodzicca pa adrasie Viery Charužaj, 4, kala Kamaroŭskaha rynku.
Płošča zabudovy składaje 1 490 m², a sumarnaja płošča handlovych paviljonaŭ — 780 m².
Handlovym centram budzie vałodać hrupa kampanij «Tapas», namieśnikam kiraŭnika jakoj pracuje chakieist prezidenckaj kamandy Pavieł Bieły. U kancy sakavika 2012 hoda jon byŭ zatrymany prama ŭ ofisie.Bieły abvinavačvaŭsia ŭ tym, što vyvieŭ za miažu $6 miljonaŭ. Praź niekalki sutak jon niečakana znoŭ źjaviŭsia ŭ składzie chakiejnaj kamandy. Alaksandr Łukašenka na naradzie pa pytańniach pryvatyzacyi zaklikaŭ nie demanizavać bahatych i zajaviŭ, što bahaćcie — nie zahana. Pry ŭmovie, što bahatyja spłačvajuć padatki.
Hrupa kampanij «Tapas» zajmajecca nieruchomaściu — zabudoŭvaje elitny mikrarajon kala Nacyjanalnaj biblijateki, a taksama rekanstrujuje budynak u histaryčnaj častcy horada na vulicy Revalucyjnaj.
0
0
0
0
0
0
