Pa papiarednich dadzienych, bolš za 140 tys. abituryjentaŭ zarehistravalisia dla ŭdziełu ŭ centralizavanym testavańni (CT). Ab hetym paviedamiŭ za hadzinu da aficyjnaha zakryćcia punktaŭ rehistracyi dyrektar Respublikanskaha instytuta kantrolu viedaŭ Mikałaj Fiaśkoŭ.
Pa słovach Mikałaja Fiaśkova, usie kampjutary ŭ punktach rehistracyi aŭtamatyčna zavieršać svaju pracu ŭ 19.00. Paśla hetaha času zarehistravacca dla prachodžańnia CT budzie niemahčyma. «Na 18.00 zarehistravana 140 tys 754 abituryjenta», — skazaŭ jon. Heta składaje bolš za 394 tys.
Dakładny lik udzielnikaŭ ustupnaj kampanii stanie viadomy praź niekalki dzion, kali budzie pierapravierana ŭsia baza, vyjaŭleny «dvajniki» abo tyja abituryjenty, jakija zarehistravalisia na čatyry vyprabavańni.
Pieršaje vyprabavańnie — pa biełaruskaj movie — projdzie 13 červienia. 14 červienia abituryjenty zdaduć ruskuju movu, 16 červienia — bijałohiju, 17 červienia — matematyku, 19 červienia — hramadaznaŭstva, 20 červienia — chimiju, 21 červienia — suśvietnuju historyju najnoŭšaha času, 23 červienia — fiziku, 24 červienia — historyju Biełarusi, 26 červienia — zamiežnyja movy, 27 červienia — hieahrafiju. Usie vyprabavańni buduć pačynacca ŭ 11.00.
