1 červienia ŭ dziciačym zabaŭlalnym centry «Kosma» handlovaha centra «Hrad» adbylisia spabornictvy małyšoŭ.
Jak paviedamiŭ BiełaPAN Andrej Machańko, staršynia mižnarodnaha hramadskaha abjadnańnia «Razumieńnie», jakoje źjaŭlajecca arhanizataram śviata, heta piatyja pa liku spabornictvy, jany ŭžo tradycyjnyja i prymierkavany da Mižnarodnaha dnia abarony dziaciej. «Tut sabrałasia vielmi šmat ludziej z maleńkimi dziećmi, — raskazaŭ jon. — Samaje jarkaje, samaje dušeŭnaje i dobraje śviata, jakoje my arhanizoŭvajem — heta zabieh paŭzunkoŭ. Jano demanstruje luboŭ, toje samaje sapraŭdnaje i ščyraje, što abjadnoŭvaje baćkoŭ i ich dziaciej. Z kožnym hodam da nas prychodziać novyja dzieci, ich stanovicca ŭsio bolš. A dla tych dzietak, što vyraśli, — zabieh biehunkoŭ na mašynkach. Heta značyć uźnikła ŭžo pierajemnaść pakaleńniaŭ. Kab uziać udzieł u našym śviacie, dastatkova patelefanavać da nas u abjadnańnie i papiarednie zapisacca. Kali dziciaci 9–11 miesiacaŭ, to, kali łaska, na našu piacimietrovuju jarkuju darožku, na zabieh paŭzunkoŭ. Kali dziciaci da dvuch hadoŭ, to dla jaho ŭ dźviuch uzrostavych katehoryjach — zabieh biehunkoŭ».
Kab juny «atlet» nie adciahvaŭ svaju ŭvahu, nie paviarnuŭ na susiedniuju darožku i dasiahnuŭ žadanaha finišu, tatam i mamam davodzicca prajaŭlać niezvyčajnuju vynachodlivaść — jany zavablivali svaich dziaciej nie tolki jarkimi cackami i cukierkami, ale i mabilnikami, navat nietbukam.
Akramia spabornictvaŭ, dziaciej u hety dzień čakała mnostva zabaŭ — jany mahli malavać na ścienach hulniovych domikaŭ z kardonu ad Mistara Husaka, prajści łabirynt «Adkryty kosmas». Nie zabyli arhanizatary śviata i pra tych dziaciej, kamu patrebna dapamoha. Jany prapanavali sabrać cacki i hulni, knihi, adzieńnie dla dziaciej — vychavancaŭ rajonnych
Videa Vasila Siamaški, BiełaPAN
