Pieršyja biełaruskija lehkavyja aŭtamabili na sumiesnym pradpryjemstvie z kitajskaj kampanijaj "Džyli" ŭ Barysavie płanujecca vypuścić u 2013 hodzie, paviedamiŭ siońnia žurnalistam staršynia Minabłvykankama Barys Batura.
"Realizacyja hetaha prajekta ŭžo amal pačata na dziejučaj vytvorčaści barysaŭskaha zavoda "Aŭtahidraŭzmacnialnik". U nastupnym hodzie płanujecca vyjści na vytvorčaść lehkavych aŭtamabilaŭ u abjomie amal 10 tys. štuk u hod. A da 2019 hoda čakajecca vypusk 120 tys. mašyn u hod. Ab abjomach inviestycyj pakul havaryć rana, iduć papiarednija raźliki, uzhadnieńnie", - skazaŭ Barys Batura, dadaŭšy, što abjom układańniaŭ čakajecca na ŭzroŭni amal $250 młn.
Pieršyja biełaruskija lehkavyja aŭtamabili pavinny prajści siertyfikacyju ŭ Rasii. Pavodle słoŭ staršyni Minabłvykankama, atrymańnie siertyfikata źjaŭlajecca abaviazkovaj umovaj realizacyi prajekta.
Budaŭnictva aŭtamabilnaha zavoda sumiesna z kampanijaj "Džyli" vyznačana ŭ svabodnaj ekanamičnaj zonie "Minsk" u rajonie Barysava, užo adviedzieny ziamielny ŭčastak.