Pierad Pucinym: Jaŭhien Kontuš i Maksim Viniarski asudžanyja na piać sutak aryštu

Lidar biełaruskich nacyjanał-balšavikoŭ Jaŭhien Kontuš 30 maja sudom Maskoŭskaha rajona Minska pryhavorany da piaci sutak administracyjnaha aryštu. Jamu pradjaŭlena abvinavačańnie ŭ drobnym chulihanstvie (niecenzurnaja łajanka ŭ hramadskim miescy).

Pra heta paviedamlaje pres-słužba arhkamiteta pa stvareńni Nacyjanał-balšavickaj partyi (NBP).

Kontuš byŭ zatrymany siońnia ranicaj u Minsku supracoŭnikami milicyi.

Taksama, pa niepaćvierdžanych pakul źviestkach, zatrymany jašče adzin nacyjanał-balšavik Dźmitryj Siniak. Jaho los pakul nieviadomaja.

Nacyjanał-balšaviki zatrymanyja napiaredadni majučaha adbycca vizitu ŭ Minsk prezidenta Rasii Uładzimira Pucina.

Siońnia taksama byŭ zatramany aktyvist «Jeŭrapiejskaj Biełarusi» Maksim Viniarski pa abvinavačańni ŭ «drobnym chulihanstvie». Jon atrymaŭ 5 sutak.

Abstaviny jahonaha zatrymańnia nieviadomyja. Z RUUS patelefanavali jahonaj maci i paviedamili, što Maksim atrymaŭ 5 sutak aryštu.

Aktyvist «JEB» Pavał Juchnievič paviedamiŭ, što, mahčyma, Maksima Viniarskaha zatrymali ŭ centry horadu padčas rasklejvańnia ulotak z nahody vizitu Pucina.

Andrej Sierada, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH