Zusim niadaŭna na Savieckaj raśli kaštany.
Ciapier drevaŭ niama.
Pieraškadžali fiestyvalu?
Novaja chvala vajny z drevami prakaciłasia pa Hrodna, piša «Tvoj styl». Biaźlitasnaja siakiera dryvasieka prajšłasia pa samym centry horada. Niejak niezaŭvažna byli vypiłavanyja kaštany na rahu vulicy Savieckaj i Kastryčnickaj. Napeŭna, mazoliŭ voka «zialeny siabar» čynoŭnikam z budynku prafsajuzaŭ.
A ŭ paniadziełak, 28 traŭnia, rabočyja zamitusilisia na Savieckaj płoščy kala Pałaca tekstylščykaŭ. Spačatku śpiłavali adzin kaštan, zatym — druhi. Na majo pytańnie — «Navošta?» — adzin rabočy adkazaŭ: «Nu, dyk… heta… fiestyval, pieraškadžajuć».
Majecca na ŭvazie čarhovy Fiestyval nacyjanalnych kultur, jaki budzie prachodzić u našym horadzie 1–3 červienia. Mižvoli zadumaješsia: navošta takoje mierapryjemstva, što niščyć pryrodu?
Praŭda, kamitet pryrodaachovy prytrymlivajecca inšaj viersii, jakuju jany i ahučyli ekołaham — vyniščajucca tolki staryja i suchija drevy, i fiestyval tut ni pry čym. Supadzieńnie.
U haradžan, što prachodzili mima, adrazu ŭźnikali pytańni, čamu pra vyrubku drevaŭ zahadzia nie paviedamili haradziencam, nie rastłumačyli, naprykład, u teleefiry? Ci pasadziać novyja drevy na miescy starych? Jak pakazvaje praktyka — nie. Chutčej za ŭsie, tak i zastaniecca. A nakont drevaŭ na vulicy Savieckaj siarod haradžan chodziać čutki, što prosta rasčyścili miesca dla adnaho z nacyjanalnych padvorkaŭ. Ale jon praisnuje tolki 3 dni, a drevy raśli niekalki dziesiacihodździaŭ.
