Na pytańni minčan adkazvali pa telefonie pradstaŭniki HA «Minskaja haradskaja žyllovaja haspadarka» Viktar Dziubanaŭ i Alaksandr Juchno. Mnohich chvalavała adno i toje ž: čamu ich staryja damy nie trapili ŭ prahramu kapramontu na najbližejšyja hady? Čynoŭniki znajšli tłumačeńnie: padčas raspracoŭki prahramy ŭličvaŭsia nie tolki hod pabudovy damoŭ, ale i ich ahulny techničny stan. A ŭ niekatorych vypadkach stavić stary dom na kapramont i zusim niemetazhodna. Stenahramu žyvoj linii publikuje siońnia «Minski kurjer».
— Susiednija damy ŭžo pieražyli kapramont, a ŭ našym jon nijak nie pačniecca, choć dom starejšy, čym navakolnyja. Čamu?
— Uzrost budynka — nie adziny vyznačalny faktar pastanoŭki ŭ čarhu na kapramont. Pierśpiektyŭnaja prahrama raspracavanaja zychodziačy z vynikaŭ abśledavańnia žyłfondu, jakoje pravodziłasia prajektnym instytutam sumiesna z ekspłuatacyjnymi słužbami. Pry vyznačeńni čarhovaści ŭličvalisia hod pabudovy i praviadzieńnia apošniaha kapramontu, vyniki viasnovych i vosieńskich ahladaŭ i realny techničny stan abjekta. U pieršuju čarhu ramantujucca tyja damy, stupień znosu jakich vyšejšaja. Byvaje, što budynak, uźviedzieny paźniej, maje patrebu ŭ ramoncie bolš, čym starejšyja susiednija.
— Čamu niekatoryja damy nie trapili ŭ pierśpiektyŭnuju prahramu, niahledziačy na toje, što jany vielmi staryja?
— Pryčyny, ź jakich dom nie trapiŭ u prahramu kapramontu, mohuć być roznymi. Naprykład, budynak byŭ viedamasnym, nie zaŭsiody znachodziŭsia na absłuhoŭvańni ŽREA i byŭ pieradadzieny na bałans horada ŭžo paśla taho, jak skłali prahramu. Inšy varyjant — na abjekcie ŭžo pravodziŭsia vybaračny kapitalny ramont: mianiali inžyniernyja kamunikacyi, dach, niešta jašče. U hetym vypadku daviadziecca sastupić miesca tym damam, u jakich surjozny ramont jašče nie pravodziŭsia.
Prablemy z pastanoŭkaj na čarhu mohuć paŭstać u damoŭ, jakija ŭ adpaviednaści z hienpłanam raźvićcia Minska źbirajucca znosić: niama sensu ŭkładvać hrošy ŭ kapramont takoha žylla. Taksama ekanamična niemetazhodna kapitalna ramantavać dvuchpaviarchovyja budynki: košt ich kapramontu pieravyšaje hraničnuju normu vydatkaŭ. Da taho ž u pierśpiektyvie hetyja damy, jak praviła, traplajuć pad znos. A kali nie, to dla takich abjektaŭ vyznačajecca i pravodzicca minimalny pieralik rabot, jakija nieabchodnyja dla narmalnaha funkcyjanavańnia. Naprykład, kali staptaŭsia dach — jaho zamieniać, kali znasilisia inžyniernyja kamunikacyi — ich pierakładuć, ale ŭvieś kompleks rabot, praduhledžany kapramontam, pravodzić nie buduć.
— Kolki hadoŭ pavinna być žyłomu budynku, kab jon moh pretendavać na kapitalny ramont?
— Minimalny termin efiektyŭnaj ekspłuatacyi žyłych budynkaŭ da pastanoŭki na kapramont składaje dla našaha rehijonu 25 hadoŭ. Vierchniaj płanki niama: ramont mohuć pačać i praz 30 hadoŭ paśla pabudovy, i praz 40.
— Kali rabiŭ ramont, ścieny ŭ sanvuźle całkam abkłaŭ plitkaj. Ci nie pacierpić jana padčas kapramontu?
— Padčas praviadzieńnia rabot vy abaviazanyja zabiaśpiečyć dostup da ahulnych inžyniernych kamunikacyj dla absłuhoŭvańnia i mahčymaj zamieny. Truby, jakija znachodziacca ŭ nišy za ŭnitazam i zakrytyja ścianoj, adnosiacca da ahulnych kamunikacyj. Ścianu buduć uskryvać dla zamieny pa stajaku. Kali vy abkłali jaje plitkaj, to rabočym daviadziecca jaje źniać, kab prabracca da kamunikacyj. Kali vy nie zabiaśpiečycie dostupu ŭ kvateru dobraachvotna, vas mohuć abaviazać heta zrabić u sudovym paradku.
